მიუხედავად იმისა, რომ კლოდ მაკელელე მხოლოდ 3 სეზონის განმავლობაში იცავდა „რეალის“ ღირსებას, საკმაოდ დიდი სიმპათიები დატოვა მადრიდისტებში. ფრანმა ნახევარმცველმა გულახდილი ინტერვიუ ჩაწერა გამოცემა AS-თან.

- ხომ არ ნანობთ მადრიდიდან წასვლას?
- ყოველთვის! არ მინდოდა „სანტიაგო ბერნაბეუს“ დატოვება.

- და მაშინ რატომ მიიღეს ეს გადაწყვეტილება?
- იმიტომ რომ, მამამ მირჩია ასე მოვქცეულიყავი.

- იქნებ, დეტალები გვიამბოთ...
- მას შემდეგ დიდი დრო გავიდა და ახლა რომ ვუფიქრდები, სწორი გადაწყვეტილება მივიღე. ცხადია, მე მიყვარდა მადრიდი, იქ ჩემი გული იყო. მამამ კი მითხრა - „კლოდ, თუ ერთხელ მაინც ადამიანმა ან კლუბმა შენს მიმართ გამოავლინა უპატივცემულობა, იცოდე, რომ სამომავლოდაც გაგრძელდება ეს. უკეთესი იქნება, ტრანსფერზე დაგაყენონ და მშვიდად წახვიდე.“ მას მეტად სჯეროდა ჩემი ფეხბურთის.

- საქმე ეხებოდა ფულს?
- არა, არა... საკითხი ეხებოდა დაფასებას. არაფერში მჭირდებოდა ფული. რაღაც მომენტში კლუბის პოზიცია იყო შემდეგი - „ჩვენ ვაპირებთ ჰონორარი გაგიზარდოთ.“ თუმცა გარკვეული პერიოდის გასვლის შემდეგ, უარი გამომიცხადეს და დევიდ ბექჰემი შეიძინეს.

- „რეალს“ არ უცდია თქვენი შენარჩუნება?
- დიახ, მაგრამ მამა მომკლავდა, ფარ-ხმალი რომ დამეყარა. ვალდანო მეუბნებოდა, რომ კარგი ვიყავი, მაგრამ მშობელს რატომ ვუსმენდი. მე კი ვპასუხობდი, რომ ასე ვიყავი აღზრდილი და მამის სიტყვა ჩემთვის კანონი იყო.


������� dle 10.1������� ������� ������