ფრანგულ პრესაში საკმაოდ სენსაციური და საინტერესო ინფორმაცია გავრცელდა.

როგორც იცით, გუშინ, დიდიე დეშამმა „მამლების“ განაცხადი დაასახელა მსოფლიო ჩემპიონატისათვის, რომელშიც 24 ფეხბურთელი შეიყვანა. სანამ მთავარი მწვრთნელი ვარსკვლავების სიას გამოაქვეყნებდა, ადგილობრივი ჟურნალისტი ჟულიენ ლორენსი იტყობინებოდა, რომ ყატარში გამგზავრების საშუალება არ მიეცემოდა ედი კამავინგას, ხოლო მისი ცნობით, ფერლან მენდი, დაიო უპამეკანო („ბაიერნი“) და ჟორდან ვერეტუ („მარსელი“) დამრიგებლის რჩეულთა რიგებში იყვნენ.

საბოლოოდ, დეშამმა „რეალის“ მარცხენა დამცველი თამაშგარეში დატოვა, ახალგაზრდა შუახაზელს კი მწვანე აუნთო. ჟურნალისტ მარიო კორტეგანის გადმოცემით, მოქმედი მსოფლიო ჩემპიონის თავკაცი არ აპირებდა კამავინგას გამოძახებას, თუმცა მას ფლორენტინო პერესმა დაურეკა, რის შემდეგაც ედუარდომ შანსი მიიღო, ხოლო ფერლანი მუნდიალს მიღმა დარჩა.������� dle 10.1������� ������� ������