კარიმ ბენზემამ „უეფას“ ღონისძიებაზე კომენტარი გააკეთა...

„ეს ჯილდო ჩემთვის ძალიან საამაყოა, თუმცა ვერაფერს გავხდებოდი, რომ არა ჩემი თანაგუნდელები. გასულ სეზონში მართლაც საოცარი შედეგები გვქონდა გულშემატკივრებს შესანიშნავი საღამოები ვაჩუქეთ.“

„„პსჟ“-სთან დაპირისპირებაში მართლაც საოცრება შევძელით, ეს იყო დიდებული „ქამბექი“ და გულშემატკივრების სიხარული.“

„კარლო ანჩელოტი გენიოსია, მას საუკეთესოდ მივიჩნევ, იტალიელის მიდგომები ყოველთვის გამორჩეული იყო.“

„ეს არის ჩემი პირველი ჯილდო, რომელიც „უეფასგან“ მივიღე, მაგრამ ხაზს ვუსვამ , რომ მთავარი კოლექტიური ტიტულებია.“

„ჩემი მადრიდული კარიერა გაგრძელდება იქამდე, სანამ მოწოდების სიმაღლეზე ვიდგები.“

„ტრანსფერები? ეს ჩემი საქმე არ არის. „ბლანკოსი“ ყოველთვის უმაღლესი კლასის მოთამაშეებს იმატებს.“

„კრიშტიანო რონალდუს შედეგის მიღწევა ალბათ წარმოუდგენელი იქნება, მაგრამ ყველაფერს გავაკეთებ ბევრი გოლის გასატანად. მე გუნდის ლეგენდებს შორის ვარ, რაც უფრო მოტივირებულს და შემართულს მხდის.“

„ოქროს ბურთის და მსოფლიო ჩემპიონატის მოგება ჩემი ოცნებაა, ვნახოთ როგორ განვითარდება მოვლენები.“

„მთავარია სიყვარულით ითამაშო, ბოლომდე დაიხარჯო და მოტივაცია არასდროს დაკარგო. ტიტულები თავისით მოვა, როგორც ინდივიდუალური, ასევე გუნდური თვალსაზრისით.“

„34 წლის ვარ, მაგრამ ვფიქრობ, რომ კიდევ შემიძლია უმაღლეს დონეზე თამაში.“

„კრიშტიანოსგან ბევრი რამ ვისწავლე, მასთან ახლა კომუნიკაცია აღარ მაქვს, რადგან სხვაგან თამაშობს, თუმცა ჩვენ ერთმანეთს დიდ პატივს ვცემთ.“������� dle 10.1������� ������� ������