მოგეხსენებათ, დღეს თურქეთში „უეფას“ გალა ღონისძიება შედგება. კარიმ ბენზემა, კურტუა და კარლო ანჩელოტი შესაბამისად წლის საუკეთესო ფეხბურთელის, საუკეთესო მეკარისა და მწვრთნელის ნომინაციებზე არიან წარდგენილნი, თუმცა ეს ყველაფერი არ არის...

ასევე დღეს ცნობილი გახდება ჩემპიონთა ლიგის ჯგუფები. შესაბამისად, გავიგებთ რომელი გუნდები დაუპირისპირდებიან სამეფო კლუბს 2022/23 წლების სეზონის ჯგუფში.

აღსანიშნავია, რომ ხვიჩა კვარაცხელიას „ნაპოლი“ მესამე კალათშია და სავსებით შესაძლებელია „რეალს“ დაუპირისპირდეს, ამ შემთხვევაში „ბლანკოსს“ მხოლოდ ესპანურ კლუბებთან აქვს შეზღუდვა. თუ „ნაპოლი“ „ბლანკოსის“ მეტოქე გახდება ქართველს „მერენგებთან“ შეხვედრა 2-ჯერ მოუწევს, მათ შორის ერთხელ ბერნაბეუზე.

პირველი კალათა: „რეალი“, „სიტი“, „ბაიერნი“, „პსჟ“, „მილანი“, „პორტუ“, „აიაქსი“, „აინტრახტი“

მეორე კალათა: „ბარსელონა“, „ლივერპული“, „ატლეტიკო“, „სევილია“, „ჩელსი“, „ტოტენჰემი“, „იუვენტუსი“, „ლაიფციგი“

მესამე კალათა: „დორტმუნდი“, „ზალცბურგი“, „შახტარი“, „ინტერი“, „ნაპოლი“, „ბენფიკა“, „სპორტინგი“, „ლევერკუზენი“

მეოთხე კალათა: „რეინჯერსი“, „ზაგრები“, „მარსელი“, „კოპენჰაგენი“, „ბრიუგე“, „სელტიკი“, „პლზენი“, „მაკაბი“������� dle 10.1������� ������� ������