ანჩელოტი:„კაზემიროსთვის დარჩენა არ მითხოვია, მე მას მხოლოდ მოვუსმინე“
კარლო ანჩელოტიმ „სელტასთან“ მატჩის წინ პრესკონფერენცია გამართა, სადაც კაზემიროსთან დაკავშირებულ მოვლენებზეც ისაუბრა...
„კარგი დინამიკის დაჭერა გვსურს. მე ვთვლი, რომ „სელტას“ „ალმერიაზე“ მეტი რესურსი აქვს, აქედან გამომდინარე, მეტი ინტენსივობა და უფრო ჭკვიანური ფეხბურთის თამაში გვმართებს. ლიდერობა საწყის ტურებშივე უნდა განვიმტკიცოთ.“
„კაზემირომ ნამდვილად დაიმსახურა ის, რომ გუნდმა არჩევანის საშუალება მისცეს. ბრაზილიელს დილით ვესაუბრე და მითხრა, რომ ახალი გამოწვევის მიღება სურს. მე მას ვუთხარი, რომ პატივს ვცემ ნებისმიერ გადაწყვეტილებას.“
„მე კაზემიროსთვის არ მითქვამს, რომ „რეალში“ დარჩენილიყო, მხოლოდ მოვუსმინე და წარმატებები ვუსურვე. ფეხბურთელის პოზიციას პატივს ვცემ.“
„კარლოს ენრიკეს პოზიცია? ჩვენ დავიმატეთ მსოფლიოს ერთ-ერთი თვალსაჩინო ფეხბურთელი, რომელსაც დიდი პერსპექტივა აქვს. ჩუამენი დიდებული ნახევარმცველია, ასევე გვყავს ედუარდო კამავინგა, რომელიც აღნიშნულ პოზიციაზე ეფექტურია. 2014 წელს აღნიშნულ პოზიციაზე ტონი კროოსიც გამოვიყენე და საკმაოდ კარგი შედეგები გვქონდა. ჩვენ გვაქვს შესაბამისი რესურსი, რომელსაც აუცილებლად გამოვიყენებთ.“
„ჩვენი სიყვარული კაზემიროს მიმართ არ იცვლება. სიმართლე გითხრათ, ჭორების შესახებ ადრეც მსმენია, მაგრამ საქმე სერიოზულად გუშინ აღვიქვი. ბრაზილიელს ყველგან და ყოველთვის წარმატებებს ვუსურვებ.“
„ტრიო კროოსთან და მოდრიჩთან ერთად ნამდვილად ეპოქალური იყო. ამ კლუბმა კაზემიროსთან ერთად უამრავი ტიტულის მოგება შეძლო.“
„მე ვფიქრობ, რომ გუნდს ახალი ნახევარმცველის ყიდვა არ სჭირდება, ვინაიდან ჩემს განკარგულებაში კროოსი, მოდრიჩი, ვალვერდე, კამავინგა, ჩუამენი და სებალიოსი იქნებიან.“
„რა მიზეზი დაასახელა კაზემირომ? სამწუხაროდ, ვერ გიპასუხებთ, რადგან ეს მისი სიტყვებია და მე არაფრის გასაჯაროვებას არ ვაპირებ.“
„კაზემიროსი კარგად მესმის, რა რაღაც პირადულია. როდესაც „მილანში“ ვმუშაობდი, გუნდი არაერთმა ვარსკვლავმა დატოვა, მიზეზი კი ხშირ შემთხვევაში იდენტური იყო.“
- 19 აგვისტო 2022
- 5142
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
