ანჩელოტი:,,სასწორზე 6 ტიტული დევს, ჩვენ ყველა უნდა მოვიგოთ"
კარლო ანჩელოტიმ „უეფასთან“ საინტერესო ინტერვიუ ჩაწერა, სადაც ევროპის სუპერთასსა და სამომავლო გეგმებზე ისაუბრა...
„მომავალ სეზონში სასწორზე 6 ტიტული იქნება, ჩვენ გვსურს, რომ ყველაფერი გავიღოთ 100%-იანი შედეგის საჩვენებლად. ვიცით, რომ „აინტრახტი“ სეზონს ადრე იწყებს და თითქმის ყველაფერი მზად აქვს, თუმცა ამერიკაში ჩატარებული პრე-სეზონი მაძლევს იმის თქმის საფუძველს, რომ „რეალი“ 10 აგვისტოს მოწოდების სიმაღლეზე იდგება.“
„გერმანული კლუბი შესანიშნავია დაცვაში, ასევე სწრაფი და მობილური ფეხბურთელების საშუალებით ბრწყინვალედ გამოიყურება კონტრ-შეტევებზე. ამ გუნდს შარშან ფავორიტად არავინ მიიჩნევდა, მაგრამ ფაქტია, რომ ევროპლის ლიგის მოგება შეძლო.“
„ჩემთვის მნიშვნელოვანია მსოფლიოს საუკეთესო კლუბის სათავეში დგომა. „რეალში“ დაბრუნებამ ძალიან გამახარა. გასული სეზონი როგორც ჩემთვის, ასევე ყველა ფეხბურთელისთვის განსაკუთრებული იყო.“
„ჩვენი ადგილი არავინ უნდა დაიკავოს, ამიტომ ანალოგიური მოტივაციით და შემართებით ვიბრძოლებთ ჩემპიონთა ლიგის ისევ მოსაგებად.“
„როდესაც გულშემატკივრები ბოლომდე გიდგანან გვერდში, შენც ბოლომდე უნდა იბრძოლო. სამეფო კლუბის სადარაჯოზე დგომა დიდ სირთულეებთან არის დაკავშირებული, ვინაიდან აქ ყოველთვის მოგებას გთხოვენ.“
„ლა დესიმა“ მართლაც საოცარი იყო. მაშინ „რეალს“ დიდი პაუზა ჰქონდა, შემადგენლობა კი ბრწყინვალე ფეხბურთელებით იყო დაკომპლექტებული. ვფიქრობ, შარშან უფრო ნაკლებად მიგვიჩნევდნენ ფავორიტად, ვიდრე მე-10 თასის მოგების დროს."
„ისკოს, ბეილის და მარსელოს მადლიელი ვარ. სამივე მოთამაშემ „ბლანკოსის“ ისტორიაში წარუშლელი კვალი დატოვა. ისინი ამ ზაფხულს წავიდნენ.“
„რუდიგერისა და ჩუამენის ტრანსფერებით „რეალის“ რესურსი მნიშვნელოვნად გაიზარდა. ორივე ფეხბურთელი მარტივად გადის ადაპტაციას და გვჯერა, რომ მომდევნო სეზონში მათი მარგი ქმედების კოეფიციენტი ძალიან მაღალი იქნება.“
„კონკურენცია „ბარსელონასთან“? ჩავის გუნდს ვეტყოდი, რომ მათი პროგრესის გამო ლა ლიგა უფრო საინტერესო გახდება, ჩვენ კი გასულ სეზონში წაგებული 4-0 არ დაგვვიწყებია და ამ შედეგის გამოსწორებას მალე და არაერთხელ შევეცდებით.“
- 4 აგვისტო 2022
- 4735
- 17
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
