6-თვის წინ, ხედირას იცნობდა მხოლოდ რამოდენიმე გერმანიის ნაკრების ქომაგი, ახლა კი მის შესახებ ყველა საფეხბურთო პორტალი წერს, ის ხომ "სამეფო კლუბის" წევრი გახდა.

4-წლის წინ ხედირას დებიუტი ბუნდესლიგაში შედგა "შტუტგარტის" შემადგენლობაში. გასულ ზაფხულს ის გერმანიის 21-წლამდელთა ნაკრების კაპიტანი იყო და ნაკრებთან ერთად ევროპის ჩემპიონატზე გაიმარჯვა. საკლუბო კარიერაში ფეხბურთელის უმაღლესი მიღწევა, ჩემპიონთა ლიგის მერვედფინალი გახლდათ სადაც მისი გუნდი ბარსელონასთან დამარცხდა. მსოფლიო ჩემპიონატზე მისი დებიუტი 2010-წელს შედგა სამხრეთ აფრიკაში და დებიუტი წარმატებული გამოდგა. იოაჰიმ ლიოვმა ახალგაზრდა, მაგრამ ძალიან ნიჭიერ ფეხბურთელს ძირითადში ადგილი ანდო და ხედირამ მწვრთნელის იმედები გაამართლა. ის გამორჩეული ფიგურა იყო ლიოვის ნაკრებში. სწორედ მსოფლიო ჩემპიონატზე წარმატებული თამაშის შემდეგ, ხედირას, ყურადღება ჟოზე მოურინიომ მიაქცია. ხანგრძლივი მოლაპარაკებების შემდეგ, ხედირა 14-მილ. ევროს სანაცვლოდ "რეალის" მოთამაშე გახდა.

წყარო: goal.com ������� dle 10.1������� ������� ������