გულშემატკივრები კარგად იცნობენ ოურელინ ჩუამენს სპორტსმენის რანგში, თუმცა საინტერესოა, როგორია 22 წლის ფეხბურთელი მოედნის გარეთ. „რეალის“ ახალწვეული ყოფილმა და მოქმედმა თანაგუნდელებმა დაახასიათეს.

ზაიდუ იუსუფი: „ჩვენ ძალიან მოგვწონდა PlayStation-ის თამაში, ხოლო ოურელინკი კი იმ კატეგორიის ადამიანებს მიეკუთვნება, რომლებსაც მარცხი სძულთ. ერთხელ, როდესაც ვიდეო თამაშში მოვუგე, გარეთ გავიდა და ტანსაცმლის მარა აუზში გადახტა. ის იმდენად გაცხარდა, რომ საკუთარი თავი დაკარგა.

როდესაც „ბორდოს“ ახალაგზრდულ აკადემიაში გამოვდიოდით. ღამის განმავლობაში ზედამხედველები ოთახებში დადიოდნენ, ვინმეს ხომ არ ჰქონდა მომარაგებული ნუტელა, წვენები, ან სხვა ასეთი საკვები. გამომდინარე იქედან, რომ მსგავსი რაღაცების მიღება არ შეიძლებოდა, ჩუამენს სიროფით ვიკმაყოფილებდით ტკბილზე მოთხოვნილებას და ძილის წინ კარგ განწყობაზე ვდგებოდით.“

ჟულ კუნდე: „ოურელი უკიდეგანოდ კონკურენტუნარიანია. მას ძალიან ცუდად გადააქვს წაგება და ყოველთვის გამარჯვებისთვის იბრძვის. არასდროს ეგუება წარუმატებლობას. ეს ხდება ფეხბურთშიც, ყოველდღიურ ცხოვრებაშიც და ა.შ.

მისი ზედმედტსახელია ახალგაზრდა მეფე. ამის ინსპირაცია არის ლებრონ ჯეიმსი. ჩვენ ძალიან გვიყვარს კალათბურთი.“

გაიტან პუსინი: „ის ცოტათი ამერიკელია. ოკეანის მიღმა ტურნეში ყოფნის დროს, ყოველთვის ბეისბოლის თამაშს ცდილობდა. მას შეუძლია NBA-ს ყურების გამო გათენება, მაგრამ ცუდად თამაშობს კალათბურთს (იცინის). ჩუამენი გაცილებით უკეთესია, როდესაც ბურთი ფეხებში აქვს.“

������� dle 10.1������� ������� ������