პრიმერა დივიზიონის განვლილი სეზონის ბოლო ტურებმა ცხადყო, რომ ლუნინი საკმაოდ მაღალი დონის კარის დარაჯია.

შეიძლება ითქვას, 23 წლის მეკარეს არ გაუმართლა, ვინაიდან მის გვერდით მსოფლიოში საუკეთესო პირველი ნომერი დგას ტიბო კურტუას სახით, თუმცა მომავალი წინ არის. „რეალში“ მეტად კმაყოფილნი არიან უკრაინელი ფეხბურთელის გარჯით და მათი სურვილია ანდრეის შენარჩუნება.

თუ ლუნინმა სათამაშო პრაქტიკის ამაღლების მიზნით წასვლა გადაწყვიტა, „ბლანკოსი“ მზად არის მის დროებით განათხოვრებაზე და ამასთანავე, კონტრაქტის გახანგრძლივებაზე. „სანტიაგო ბერნაბეუზე“ აღარ აპირებენ შეცდომის დაშვებას და გოლკიპერის ისეთ კლუბში გაშვებას, სადაც მას სათადარიგო სკამზე მოუწევს ყოფნა. საჭიროების შემთხვევაში, ისინი მოთამაშეს სათანადო კლუბის მოძიებაში დაეხმარებიან, სავარაუდოდ, ლა ლიგის ფარგლებში.

პარალელურად, „სანტიაგო ბერნაბეუზე“ კურტუას პოტენციური დუბლიორის კანდიდატურებსაც განიხილავენ. ამ მომენტისათვის, მადრიდელებლი ვეტერან ოსპინასა და თინეიჯერ სლონინას აკვირდებიან.������� dle 10.1������� ������� ������