ასენსიო პრემიერ ლიგაში გააგრძელებს კარიერას?
ესპანელი ნახევარმცველის მომავალი ბურუსით არის მოცული.
მარკო ასენსიოს 2023 წლის 30 ივნისს ეწურება „სანტიაგო ბერნაბეუზე“ ყოფნის ვადა, თუმცა „რეალს“ შემდეგი მიზანი აქვს - კონტრაქტის გახანგრძლივება, ან გაყიდვა. მადრიდელები არ დაუშვებენ, რომ გაისად, მოთაშემ თავისუფალი აგენტის სტატუსით დატოვოს კლუბი.
გუნდის შემტევმა რამდენიმე თვის წინ სააგენტო შეიცვალა. El Chiringuito-ს ცნობით, ტრანსფერების გაჩარხვის ცნობილი სპეციალისტი ჟორჟე მენდეში ცდილობს, რომ ასენსიოს „მანჩესტერ იუნაიტედისაკენ“ გაუკვალოს გზა.
განვლილ სეზონში მარკომ 12 გოლსა და 2 ასისტს მოუყარა თავი. ის გადაწყვეტილებას მიმდინარე სანაკრებო ბატალიების დასრულების შემდეგ მიიღებს.
- 1 ივნისი 2022
- 1100
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
