ბეილი „რეალის“ ქომაგებს დაემშვიდობა
გარეთ ბეილმა სოციალური ქსელის მეშვეობით გამოსამშვიდობებელი წერილი გამოაქვეყნა.
უელსელ ფეხბურთელს, რომელიც 2013 წლიდან იცავს „რეალის“ ღირსებას, 30 ივნისს ეწურება კონტრაქტი. გამომდინარე იქედან, რომ „ბლანკოსს“ ხელშეკრულების განახლების სურვილი არ აქვს, მას ახალი კლუბის მოძიება მოუწევს.
„ამ წერილით მინდა მადლობა გადავუხადო ყოფილ და ახლანდელ თანაგუნდელებს, მწვრთნელებს, თანამშრომლებს და გულშემატკივრებს, რომლებიც მხარს მიჭერენ.
აქ მოვედი 9 წლის წინ, ახალგაზრდა ბიჭი, რომელსაც უნდოდა ოცნების რეალობად ქცევა - „რეალის“ რიგებში ასპარეზობა. ჩემი მიზანი იყო თეთრი მაისურის მორგება, ამ გერბის საკუთარ გულზე ხილვა, „სანტიაგო ბერნაბეუზე“ თამაში, ტიტულების მოგება და ჩემპიონთა ლიგის თასის აღმართვა.
ახლა შემიძლია უკან გავიხედო, ყველაფერი გავაანალიზო და ვთქვა, რომ ჩემი ოცნება ახდა, და თან იმაზე მეტად, ვიდრე მოველოდი.
კლუბის ისტორიის ნაწილად ყოფნა და ასეთი მიღწევების მოპოვება, არაჩვეულებრივი გამოცდილებაა, რომელსაც არასდროს დავივიწყებ.
ასევე, მინდა მადლიერება გამოვხატო ფლორენტინო პერესის, ხოსე ანხელ სანჩესისა და კლუბის ხელმძღვანელობის მიმართ, რათა მათ მომცეს საშუალება მადრიდში თამაშისა.
ერთად ისეთი მომენტები გადაგვხდა თავს, რაც ყოველთვის შევა კლუბისა და ფეხბურთის ისტორიაში. ეს პატივი იყო ჩემთვის. მადლობა. ჰალა მადრიდ!“
- 1 ივნისი 2022
- 4052
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.