აზარი: „არასდროს მინდოდა ამის გაკეთება“
ედენ აზარი 2019 წელს შეუერთდა სამეფო კლუბს. ის ამჟამად ბელგიის ეროვნული ნაკრების რიგებშია და ერთა ლიგის მატჩებისათვის ემზადება. „შვიდიანმა“ ამჟამინდელ მდგომარეობასა და სამომავლო გეგმებზე ისაუბრა.
„ყველაფერი რიგზეა. აღარ მაწუხებს პრობლემები კოჭზე და თავს კარგად ვგრძნობ. როგორც ფიზიკური, ასევე მენტალური თვალსაზრისით ყველანაირი პირობა მაქვს, რომ მომდევნო სეზონს მოწოდების სიმაღლეზე შევხდე. ჯერ არაფერი დამისრულებია და კიდევ შემიძლია შესანიშნავი რაღაცების კეთება მოედანზე.“
„მე მხოლოდ სათამაშო წუთები მჭირდება და დარწმუნებული ვარ მივიღებ კიდეც. თქვენ კი რეალურ ედენ აზარს იხილავთ. ამაში ეჭვი არ მეპარება.“
„არასდროს მიფიქრია „რეალის“ დატოვებაზე. კლუბმაც იცის, რომ მიუხედავად განვლილი მძიმე პერიოდისა, სარგებლის მოტანა შემიძლია.“
„საუკეთესო სცენარი იქნება კარგად მომზადება, თამაში, ვინაიდან დიდი ხანი არ ვყოფილვარ საქმეში, ნაყოფიერი ასპარეზობა თითოეულ შეხვედრაში, გოლების გატანა, შემდეგ ყატარში გამგზავრება და ისეთი ტურნირის ჩატარება, როგორც რუსეთის მუნდიალზე გვქონდა.“
„ვფიქრობ, არსებული მომენტისათვის კარიმ ბენზემას ვერავინ შეედრება. ის 99%-ით „ოქროს ბურთის“ გამარჯვებულია. რა თქმა უნდა, წინასწარ არავინ იცის რა მოხდება ხმის მიცემის დროს, თუმცა ის უდავო ფავორიტია.“
MARCA
- 1 ივნისი 2022
- 1509
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
