რუმენიგე: „ბოდიშს ვიხდი ალაბას გამო“
დავიდ ალაბა, რომელმაც წინა ზაფხულს თავისუფალი აგენტის სტატუსით დატოვა „ბაიერნი,“ „რეალთან“ ერთად უკვე 3 ტიტულს მოითვლის.
ავსტრიელი ფეხბურთელის წარმატებულ მადრიდულ ცხოვრებას გამოეხმაურა მიუნხენური გრანდის ყოფილი გენერალური დირექტორი, კარლ-ჰაინც რუმენიგე. აღსანიშნავია, რომ „ოთხიანმა“ სწორედ მის პერიოდში მიიღო გერმანიიდან წასვლის გადაწყვეტილება: „ვწუხვარ, რომ თავის დროზე ალაბამ „რეკორდმაისტერთა“ რიგები დატოვა. ამის გამო ბოდიშს ვიხდი. ის ჩვენი დაცვის ბურჯი იყო და სასწაული სეზონი ჩაატარა, როდესაც ლისაბონში ჩემპიონთა ლიგის ფინალი მოვიგეთ. მისი არყოფნა შესამჩნევია.“
„რაც შეეხება კროოსს, 2014 წელს, მისი აგენტი ბევრს ითხოვდა ჩვენგან. რა თქმა უნდა, ამის დაკმაყოფილება არ შეგვეძლო და მივიღეთ შესაბამისი გადაწყვეტილება. მისი კარიერა განხილვას არ ექვემდებარება, ის არაჩვეულებრივად ვითარდება. ტონი ასპარეზობს დიდებულ კლუბში, რომელიც ბევრ თასს იგებს“
- 30 მაი 2022
- 3091
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
