დანიელ კარვახალი ჩემპიონთა ლიგის ფინალში საიმედო და სტაბილური ასპარეზობით გამოირჩა. ესპანელმა მცველმა მეხუთედ მოიგო პრესტიჟული ტურნირი.

„წარმუდგენლად განსაკუთრებული დღე იყო ჩვენთვის. ჩვენ საკმაოდ პრფესიონალურად ვითამაშეთ და მაშინ გამოვიჩინეთ თავი, როდესაც ამის საჭიროება დადგა. კარგად გავართვით თავი დაკისრებულ მოვალეობას. კიდევ ერთი ევროპული თასის მოგება დიდებულია.“

„რა თქმა უნდა, შესანიშნავი გრძნობაა, როდესაც ტურნირის ერთ-ერთი ყველაზე ტიტულოვანი ფეხბურთელი ხდები. სეზონის სტარტზე, ახალი მწვრთნელისა და ახალი ფეხბურთელების ფონზე ადამიანების მოლოდინები არ იყო მაღალი. ჩვენ სერიოზული განაცხადი გავაკეთეთ და ყველას დავანახეთ, თუ რას ნიშნავს ამ კლუბის ღირსების დაცვა.“

„პირველ ნახევარში თავს კომფორტულად არ ვგრძნობდით, ხოლო მოერე ნახევარში, გატანილი გოლის შემდეგ ვიცოდით, რომ გარკვეული ტანჯვა მოგვიწევდა, თუმცა სიმშვიდეს ვინარჩუნებდით. ჩვენ ვიპოვეთ გზები და ვგონებ, სრულყოფილი პაექრობა ჩავატარეთ, განსაკუთრებით დაცვით კომპონენტში.“

„კურტუას თამაში დაუჯერებლად გამოიყურებოდა. მან 3-4 ისეთი სეივი გააკეთა, რამაც ჩემპიონობა მოგვიწია. ვულოცავ მას ასეთ გამოსვლას.“

„როგორც კლოპმა თქვა, „რეალი“ მიჩვეულია ფინალების მოგებას და არა წაგებას. ისტორია კიდევ ერთხელ ჩვენს გვერდით დადგა.“������� dle 10.1������� ������� ������