მიჩელი მბაპეზე: „მას ამის საშუალებას არ მივცემდი“
„რეალის“ ლეგენდარული ფეხბურთელი ხოსე მიგელ გონსალეს დელ კამპო, იგივე მიჩელი, კილიან მბაპეს თემას გამოეხმაურა.
„ისტორიის განმავლობაში „რეალის“ რიგებში არა ერთი შესანიშნავი ფეხბურთელი ასპარეზობდა, თუმცა კლუბს არასდროს განუცდია მათი წასვლა ან არყოფნა. ამ შემთხვევაში, არ ვიცი, მოვლენების ამგვარი განვითარება კარგია თუ არა „ბლანკოსისათვის,“ მაგრამ ერთმნიშვნელოვნად, ეს ცუდია მბაპესთვის.“
„ღალატზე საუბარი მაშინ შეიძლება, როდესაც სიყვარულია და არ მგონია, მბაპეს რაიმე გრძნობა ჰქონდეს „რეალის“ მიმართ. რა თქმა უნდა, მას არ მოვიყვანდი კლუბში 3 წლის შემდეგაც, როდესაც კონტრაქტის ვადა ამოიწურება. თუ მოთამაშემ არსებული შესაძლებლობა ხელიდან გაუშვა, სხვა დროს არ იმსახურებს შანსს.“
„ჩემპიონთა ლიგის ფინალში მადრიდელები არიან ფავორიტნი. ტიტულების რაოდენობა არაფერ შუაშია, მათ კარგ დროს უწევთ გადამწყვეტ დაპირისპირებაში მონაწილეობის მიღება. ამასთანავე, შემადგენლობაში მსოფლიო დონის 3 ფეხბურთელი ასპარეზობს, კურტუას, მოდრიჩისა და ბენზემას სახით. გუნდის კი შესანიშნავი კარლო ანჩელოტი ხელმძღვანელობს. წესითა და რიგით შესანიშნავი თამაშის მომსწრენი უნდა გავხდეთ. ვფიქრობ და მინდა, რომ გამარჯვება „თეთრებს“ დარჩეთ.“
- 25 მაი 2022
- 1938
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
