მედიისთვის ღია კარის დღის ფარგლებში, კაზემირო RealMadrid TV-სთან ჩემპიონთა ლიგის ფინალზე ისაუბრა.

„ამ კლუბში გამარჯვების სურვილი ყველაზე მთავარია და სწორედ ამიტომ, მომდევნო ფინალს ისე ვუდგები, როგორც პირველს. ყოველთვის ვეუბნებით საკუთარ თავს, რომ ჩვენ ვართ „რეალი“ და ბოლომდე უნდა ვიბრძოლოთ. ნებისმიერ შემთხვევაში გამარჯვებისთვის ვთამაშობთ და ძალებს არ ვზოგავთ. მსაჯის საფინალო სასტვენამდე არ ვჩერდებით.“

„ჩემპიონთა ლიგაზე ადვილი მატჩები არ არის. „პსჟ“-ს, „ჩელსისა“ და „მანჩესტერ სიტის“ ბარიერის დაძლევით გარკვეული ეტაპი გავიარეთ, მაგრამ ურთულესი გამოწვევა წინ გველოდება. „ლივერპული“ ახლა გაცილებით უკეთესად არის მომზადებული, ვიდრე რამდენიმე წლის წინ იყო. მომავალ მატჩში მცირე დეტალები გადაწყვეტენ გამარჯვებულის ვინაობას და იმედია ჩვენ სასიკეთოდ დასრულდება ყველაფერი. გვინდა, რომ „სიბელესზე“ ვიზეიმოთ ჩემპიონობა. ეს დაიმსახურეს როგორც გულშემატკივრებმა, ასევე გუნდმა, თავდაუზოგავი შრომის გამო.“������� dle 10.1������� ������� ������