ანჩელოტი: „არის თუ არა მბაპე იმედგაცრუება?“
„ღია კარის“ დღის ფარგლებში, კარლო ანჩელოტიმ ადგილობრივი და საერთაშორისო მედიისათვის პრესკონფერენცია გამართა.
„გუნდი კარგად გრძნობს თავს. გუშინ ფინალისათვის დავიწყეთ მზადება და მხოლოდ მარსელო გვაკლდა. ალაბა მწყობრშია. ფეხბურთელების ფიზიკური კონდიციები დამაკმაყოფილებელია. ჩვენ მაქსიმალურად კონცენტრირებულნი ვართ საქმეზე. ვფიქრობ, მოტივაცია და ენთუზიაზმი ყველაზე ნიშანდობლივი კომპონენტებია. მომდევნო ფინალი „რეალისათვის“ მეხუთეა ბოლო 9 წლის განმავლობაში. მადრიდისტები ამაყობენ ასეთი მიღწევით.“
„კილიან მბაპე? ყველაფერი ნათელია. ჩვენ არასდროს ვსაუბრობთ სხვა კლუბის მოთამაშეებზე. პატივს ვცემთ მათ გადაწყვეტილებებს. მხოლოდ საკუთარი საქმისადმი გამოვხატავთ ინტერესს.“
„ვფიქრობ, მიმდინარე სეზონი ცოტა ძვირი დამიჯდა. გაიზარდა ოფლიანობა, გულისცემა... როდესაც თამაში იწყება, შენ ფოკუსირებას ახდენს მასზე, ხოლო მანამდე 3-4 საათით ადრე კი იწყებ ნერვიულობას, რომელსაც არანაირი წამალი არ შველის. შესაბამისად, უნდა გაძლო.“
„ლა ლიგა თუ ჩ/ლიგა? გამარჯვება ყოველთვის რთულია, მიუხედავად ტურნირისა. ჩ/ლიგაზე შეცდომის დაშვების უფლება არ გაქვს, ხოლო ჩემპიონატში კი გეძლევა დრო ყველაფრის გამოსასწორებლად.“
„ყოველწლიურად იზრდება კონკურენცია ჩემპიონთა ლიგაზე. არის რამდენიმე კლუბი ევროპაში, რომელთა პირდაპირი მიზანია აღნიშნულ გათამაშებაზე ოქროს მედლების მოპოვება. უკანასკნელი 8 წლის მანძილზე მე-5 ფინალი დიდი წარმატებაა. იმედია ყველაფერი ჩვენს სასარგებლოდ დასრულდება.“
„როდრიგოს შეუძლია იყოს სასტარტო შემადგენლობის წევრი, მაგრამ როდესაც სათადარიგოდან ერთვება, მეტად ეფექტურია. მომდევნო პაექრობა მხოლოდ 11 ფეხბურთელის არ არის. ფინალურ ეტაპის საგზური სწორედ იმიტომ მოვიპოვეთ, რომ შეცვლაზე შემოსულმა მოთამაშეებმა დიდი დახმარება გაგვიწიეს. საწყისი თერთმეტეული ყველაზე ნაკლება პრობლემაა.“
„გასახდელში შესანიშნავი ატმოსფერო სუფევს. რამდენიმე წევრი ჩემპიონთა ლიგის მეხუთე ფინალში მიიღებს მონაწილეობას. ჩემთვის ეს იქნება მეორე ბოლო 8 წლის განმავლობაში. თავისუფლად შემიძლია შეგირდებს ვკითხო, თუ როგორ მოვამზადო გუნდი ჩ/ლიგის ფინალისათვის (იცინის). ამ გუნდზე უკეთესად არავინ იცის მსგავსი ტიპის დაპირისპირებაში ასპარეზობა.“
„ყველაფერი შეიძლება მოხდეს, თუმცა მოგების შემთხვევაში გავხდები პირველი მწვრთნელი, რომელსაც ექნება ევროპის ყველაზე პრესტიჟული საკლუბო ტურნირის 4 ოქროს მედალი. ცხადია კმაყოფილი ვარ, თუმცა ინდივიდუალური მიღწევები ნაკლებად მნიშვნელოვანია. მთავარია ყოველდღიური მუშაობა და ნაყოფიერად მომზადება. როდესაც კარიერას დავასრულებ, ალბათ, მაშინ აღვნიშნავ ასეთ ციფრებს, მაგრამ ეს არ მხიბლავს.“
„თუ ჩვენ შევადარებთ მიმდინარესა და 2014 წლის სეზონს, ბევრ განსხვავებას დავინახავთ. მაშინ გაცილებით მეტი ზეწოლა იყო ჩვენზე, ვინაიდან უბრალოდ შეპყრობილნი ვიყავით „ლა დესიმათი.“ ახლა მოტივაცია იგივეა, თუმცა გარემო მეტად თავისუფალი, რამაც შესაძლოა გარკვეული უპირატესობა მოგვცეს.“
„ფიზიკური კონდიციების ასპექტში „ლივერპული“ ერთ-ერთი საუკეთესო გუნდია ბებერ კონტინენტზე. ცხადია, წარმატებისათვის მხოლოდ ეს არ კმარა.“
„მბაპე, როგორც იმედგაცრუება? უკვე აგიხსენით, რომ არ ვისაუბრებდი ისეთ ფეხბურთელზე, რომელიც „რეალის“ რიგებში არ ირიცხება.“
„სამწვრთნელო შტაბმა „ვალდებებასზე“ კარგი ატმოსფერო შევქმენით. რა თქმა უნდა, ეს დამრიგებლებისა და ფეხბურთელების ჯანსაღი ურთიერთობის შედეგია. როდესაც ადამიანები აქ მოდიან, თავს ბედნიერად გრძნობენ. კარგი დინამიკის მქონე გარემოში მუშაობისას, თავის საუკეთესოდ წარმოჩენის შესაძლებლობა გიჩნდება. “
„სალაჰის სიტყვები? ეს კარგი იქნება მოტივაციისათვის. წლების წინ, სწორედ პარიზში, „რეალსაც“ აქვს ფინალი წაგებული „ლივერპულთან“ და შესაბამისად, ჩვენს რევანშისათვის ვემზადებით.“
„ვინ შეიძლება სამომავლოდ გახდეს მწვრთნელი? კაზემირო, კროოსი, მოდრიჩი, ნაჩო...დაზუსტებით ვერაფერს გეტყვით.“
„პენალტების სერია? ყველაფრისთვის მზად უნდა ვიყოთ. ეს იქნება ძალიან რთული მომენტი.“
„დავიმსახურებთ თუ არა ჩემპიონთა ლიგის მოგებას? ეს დამოკიდებულია იმაზე, თუ როგორ წარმოვაჩენთ თავს ფინალურ შეხვედრაში. აქამდე დამსახურებულად მოვედით. მთავარია ერთგულება და მონდომება. საპლეიოფო სტადიაზე აღნიშნულ კომპონენტებში ვერავინ დაგვჯვან და ასე უნდა იყოს 28-შიც.“
„ვიმედოვნებ, ქამბექის საჭიროების წინაშე არ დავდგებით და „ლივერპული“ იქნება მდევრის როლში. პატივი უნდა ვცეთ მეტოქეს. მათ ნაყოფიერი სეზონი გამოუვიდათ.“
„ედენ აზარი დიდი ენთუაზიაზმითა და მოტივაციით დაბრუნდა ლაზარეთიდან. მასსაც შეუძლია თამაში და ბეილსაც. ყველას უნდა მონაწილეობის მიღება და რაც მთავარია ყველა ჯანმრთელადაა.“
„არცერთი გადაწყვეტილება არ არის ადვილი, ვინაიდან თითოეულ მოთამაშეს უნდა საქმეში ყოფნა და ცხადია, მწვრთნელი ვალდებულია განმარტებები გააკეთოს. საჭიროა ინდივიდუალური მიდგომა ყველასთან. მიუხედავად ყველაფრისა, ამ ფორმაციის შემადგენლობასთან არასდროს მქონია პრობლემები. მათ შორის, არც ბეილთან და არც ისკოსთან. ჩვენ პატივს ვცემთ ერთმანეთს.“
„კლოპმა, ტუხელმა და გერმანულმა სკოლამ მეტი ინტენსივობა და ზეწოლა შემოიტანეს ფეხბურთში. არ ვფიქრობ, რომ ძველი თაობის წარმომადგენელი ვარ. სიახლეებს ყურადღებით ვაკვირდები და ფეხს ვუწყობ. მთავარია ფეხბურთელების მახასიათებლები. “
„მოთამაშეებს გონებაში უნდა ჩავუბეჭდოთ ის, რაც მოედანზე უნდა გააკეთონ. ისინი უნდა იყვნენ ფოკუსირებულნი, როგორც ბურთით, ასევე მის გარეშე თამაშის დროს. ჩვენ გვყავს შეგირდები, რომლებსაც დიდი გამოცდილება აქვთ ფინალების და პირიქით, ახალბედები. ეს არის კარგი ნაზავი. შესაბამისად, შკარიმს ძალუძს რაღაცები აუხსნას მენდისა და კამავინგას.“
„ჩემში ყველაზე დიდი გაოცება გამოიწვია ვინისიუსის პროგრესმა და იმ ფეხბურთელების თავდაბლობამ, რომლებსაც 2014 წელსაც ვწვრთნიდი აქ. ამ მოთამაშეებმა კლუბის ისტორია შეცვალა და საერთოდ არ შეცვლილან. ისინი სამაგალითონი არიან სხვებისთვის.“
„ვიღაცები იტყვიან, რომ „ლივერპულია“ ფავორიტი ან პირიქით, თუმცა ეს არაფერს ცვლის. საკმაოდ თანაბარი პაექრობის მოლოდინი მაქვს.“
- 24 მაი 2022
- 5265
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
