ვალვერდე:„ჩვენ მსოფლიოს საუკეთესო გუნდის ღირსებას ვიცავთ“
ფედერიკო ვალვერდემ მადრიდის „რეალში“ არსებულ სიტუაციასა და ჩემპიონთა ლიგის ფინალზე ისაუბრა...
„მოდრიჩი აღმაფრთოვანებელი ფეხბურთელია. სასიამოვნოა მისი თამაშის ყურება, სასიამოვნო მისი თანაგუნდელობა, სასიამოვნოა ხორვატის ნახვა მაშინ, როდესაც ის „რეალის“ გერბისთვის იბრძვის. ჩვენ მსოფლიოს საუკეთესო გუნდის ღირსებას ვიცავთ და დიდი ვალდებულებების მატარებლები ვართ. ეს გული ფეთქავს სამეფო კლუბისთვის, ყველა ფეხბურთელი მოტივირებული და შემართულია.“
„ჩემი ოცნება ყოველთვის „რეალი“ იყო. მიხარია, რომ აქ ვარ და ჩემპიონთა ლიგის ფინალში მოვხვდი. ეს არ არის სიზმარი, ეს სინამდვილეა და ჩვენ მზად ვართ საუკეთესო ფეხბურთის სათამაშოდ.“
„ბუნებრივია მსურს ბევრი გოლი, ბევრი ასისტი, ბევრი სპრინტი და გუნდისთვის სასარგებლო საქმის კეთება.“
„მოდრიჩი გუნდში ყველასათვის სამაგალითო ფეხბურთელია, მისგან ბევრი რამის სწავლაა შესაძლებელი.“
„ჩვენ ყველაფერს გავაკეთებთ იმისთვის, რომ გულშემატკივრების გახარება შევძლოთ. ვაცნობიერებთ, რამხელა გამოწვევის წინაშე ვდგავართ და რა რთულია „ლივერპულის“ დამარცხება, თუმცა „რეალისთვის“ დაუძლეველი ბარიერი არ არსებობს.“
„სალაჰი, მანე, ფირმინო, ჟოტა, ფაბინიო, ტრენტი და კიდევ სხვა ბევრი ფეხბურთელი ჩემპიონთა ლიგაზე დიდ გამოცდილებას აგროვებენ, მათ სურთ შურისძიება და ამაში საკვირველი არაფერია. კლოპის გუნდის შესაძლებლობებს ადეკვატურად ვაფასებთ.“
„გამარჯვებულის მენტალიტეტი, გუნდის გერბი, გულშემატკივართა მოლოდინი და ჩვენი მოტივაცია ფინალს აუცილებლად მოგვაგებინებს.“
- 23 მაი 2022
- 945
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.