ანტონიო რუდიგერს მხოლოდ ოფიციალური განცხადება აშორებს „რეალში“ გადასვლამდე.

რამდენიმე დღის წინ „ჩელსის“ დამრიგებელმა დაადასტურა, რომ გერმანელი მცველი მომდევნო სეზონიდან ახალ კლუბში იასპარეზებს, ხოლო ევროპული გამოცემები და სატრანსფერო სიახლეებზე მომუშავე ჟურნალისტები კი ერთხმად აცხადებენ, რომ „ბლანკოსსა“ და მოთამაშეს შორის გამართული მოლაპარაკებები წარმატებით დასრულდა.

ახლა მთავარ ინტრიგად რჩება თარიღი, თუ როდის აცნობს „რეალი“ საფეხბურთო საზოგადოებას ამ შესანიშნავი მოვლენის შესახებ. სავარაუდოდ, მადრიდელები სეზონის დასრულების შემდეგ გადადგამენ აღნიშნულ ნაბიჯს.

თუ „თეთერები“ ჩემპიონთა ლიგის ფინალში გავიდნენ, ბოლო შეხვედრის ჩატარება 28 მაისს მოუწევთ, ხოლო „მან.სიტისთან“ წარუმატებლობის შემთხვევაში, ანჩელოტის გუნდი 22 მაისს დასვამს წერტილს (პრიმერა დივიზიონის 38-ე ტური, „ბეტისის“ წინააღმდეგ). როგორც არ უნდა მოხდეს, მიმდინარე თვის ბოლომდე ყველაფერი გაცხადდება.

მართალია, რუდიგერს 30 ივნისს ეწურება „ლურჯებში“ ყოფნის ვადა, თუმცა „ფიფას“ წესდების თანახმად, ფეხბურთელს, მოქმედი ხელშეკრულების ამოწურვამდე ბოლო 6 თვის განმავლობაში უფლება აქვს ახალ კლუბთან გააფორმოს შეთანხმება.������� dle 10.1������� ������� ������