ჟაბერი ნადალს „რეალის“ ბილეთებს სთხოვს
როგორც იცით, ესპანეთის დედაქალაქში ამჟამად საჩოგბურთი ტურნირი მიმდინარეობს, რომელშიც ათობით სპორტსმენი იღებს მონაწილეობას.
მათ შორისაა ქალთა განრიგში მე-10 ნომრად განთესილი ონს ჟაბერი, რომელსაც ძალიან უნდა ტრიბუნიდან მიდევნოს თვალი ჩემპიონთა ლიგის ნახევარფინალურ დაპირისპირებას.
„მე ვთამაშობ ქალაქში, რომელიც ძალიან მიყვარს. „რეალმა“ ახლახანს მოიგო ლა ლიგა და ვინ იცის, შეიძლება ჩემი დროც მოვიდა. მინდოდა, რომ „ესპანიოლთან“ შეხვედრაში სტადიონზე ვყოფილიყავი, მაგრამ, სამწუხაროდ, ნადალმა არ დამპატიჟა“ - აღნიშნა ჟაბერმა.
„არც ოთხშაბათის მატჩისთვის მაქვს ბილეთები, თუმცა ვიცი ერთი კარგი ადამიანი, სახელად რაფაელ ნადალი, რომელსაც შეუძლია ამის გაკეთება. პირდაპირ ვეტყვი, რომ ტურნირის ორგანიზატორებს ჩვენი თამაშების ერთდროულად გამართვა სთხოვოს, რათა შემდეგ ერთად წავიდეთ „ბერნაბეუზე“ და ვუგულშემატკივროთ „რეალს.“ ჰალა მადრიდ!“ - დაამატა ტუნისელმა.
- 4 მაი 2022
- 762
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
