ანჩელოტი: „წლები გადის, ის კი არ იცვლება“
„მანჩესტერ სიტისთან“ პაექრობის წინ, კარლო ანჩელოტიმ ჟურნალისტების კითხვებს უპასუხა.
„გუნდი კარგად გრძნობს თავს, მოტივირებულად და კონცენტრირებულად. ჩვენს წინაშე დიდებული გამოწვევაა - ვითამაშოთ ჩემპიონთა ლიგის ფინალში. ვიცით, რაოდენ რთული მატჩი გველოდება, თუმცა თავდაჯერებულნი ვართ. მეტოქესთან მცირე ჩამორჩენა გვაქვს, რისი მოგვარების შანსიც ხვალ გვექნება.“
„„რეალი“ და „სიტი“ განსხვავებული ხარისხით გამოირჩევიან. ხასიათი და ინიდივიდუალური შესაძლებლობები მნიშვნელოვანი ასპექტებია. აღნიშნული ტურნირის ფინალურ საგზურს მხოლოდ გულიანი ასპარეზობით ვერ მოიპოვებ.“
„თუ შესაბამისად გადავნაწილდებით მოედანზე, ისინი 99-ჯერ ვერ დაარტყამენ კარისკენ, ხოლო თუ სივრცეში შევალთ, საპირისპირო შედეგს მივიღებთ. ზოგჯერ საჭიროა რისკზე წასვლაც.“
„კაზემიროს დაბრუნება დიდად დაგვეხმარება დაცვითი ფუნქციების შესრულების დროს. გუნდურ ჭრილში უკეთესი ასპარეზობა გვმართებს. მატჩამდე ბევრი ვიმუშავეთ სხვადასხვა ასპექტების გამოსწორების თვალსაზრისით, რასაც ხვალ იხილავთ.“
„ვინისიუსმა გოლის გატანის უნარი მნიშვნელოვნად გააუმჯობესა. ახლა უფრო ცივსისხლიანად და მშვიდად უდგება საქმეს. ბრაზილიელი გარკვეულ დროს იღებს საუკეთესო გადაწყვეტილების მისაღებად. მე მას თავდაჯერება შევმატე, რამაც მასში მოწიფულობა მოიტანა.“
„ვალვერდე თუ როდრიგო? საკმაოდ გრძელი პაექრობა იქნება და ვგონებ, უფრო ნიშანდობლივია ვინ დაასრულებს შეხვედრას და არა პირიქით.“
„ალაბა მნიშვნელოვანია მოთამაშეა ჩვენთვის, თუმცა ვერ შეძლებს თამაშს. მის ადგილს ნაჩო დაიკავებს.“
„წლების განმავლობაში მოდრიჩი არ შეცვლილა. ამას უფრო კარიმზე ვიტყოდი. ლუკა პროფესიონალი, არაჩვეულებრივი და ბრწყინვალე ფეხბურთელია. მის მხრებლზე უზარმაზარი თვისებებია, როგორც ტექნიკური, ასევე ფიზიკური.“
„ჩვენი ბურთაობა უნდა იყოს სრულყოფილი ყველა კომპონენტში. დაბალი ბლოკი უნდა იყოს უკეთესი, ვიდრე პირველ შეხვედრაში. ანალოგიურის თქმა შეიძლება პრესინგზეც, რათა ხაზებს შორის პასები და გადაადგილებები ავირიდოთ თავიდან.“
„ჩვენ მნიშვნელოვნად გავაუმჯობესეთ შეტევითი პოტენციალი და ამაში ბენზემას გარდა, ვინისიუსს, ასენსიოს, მოდრიჩსა და კროოსსაც მიუძღვით წვლილი. მჭიდრო ფეხბურთის პირობებში, ზოგჯერ პრობლემებს ვაწყდებით, ვინაინად მაღალი „ცხრიანი“ არ გვყავს, მაგრამ უფრო მეტი მობილურობითა და მოძრაობით ბურთის გარეშე, ამასაც ვუმკლავდებით.“
„ფოდენი ფანტასტიკური მოთამაშეა, რომელსაც დიდი მომავალი ელოდება. ის ძალიან სახიფათოა. არსებული მომენტისათვის კი საუკეთესო ტალანტია ინგლისის მასშტაბით.“
- 3 მაი 2022
- 5852
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
