მხოლოდ „სიბელესი“
სამეფო კლუბს მხოლოდ 1 ქულა აშორებს ესპანეთის ჩემპიონატის 35-ედ მოგებამდე.
დღეს, მადრიდული სამყაროს მთლიანი ყურადღება „სანტიაგო ბერნაბეუსკენ“ იქნება მიმართული, სადაც საკადრო პრობლემებისა და როტაციის ფონზე, ანჩელოტიმ საჩემპიონო პაექრობის გამოცხობა უნდა შეძლოს. ფეხბურთელების ამოცანი მინიმალურია - მათ მოგება ან ფრე მართებთ „ესპანიოლის“ წინააღმდეგ.
სასურველი ანგარიშის დაფიქსირების შემთხვევაში, „ბლანკოსის“ მოთამაშეები და გულშემატკივრები აღნიშვნის რეჟიმზე გადაერთვებიან. ჯერ თასის აღმართვა, ფოტო-კამერების წინაშე პოზირება და კიდევ სხვა მრავალი რიტუალის შესრულება უშუალოდ სტადიონზე მოხდება, ხოლო შემდეგ ყველანი „სიბელესისკენ“ გაეშურებიან, სადაც „თეთრები“ ზეიმობენ ყოველი თასის მოპოვებას.
გამომდინარე იქედან, რომ მომდევნო კვირაში საკმაოდ მნიშვნელოვანი შეხვედრაა ჩანიშნული „მანჩესტერ სიტის“ წინააღმდეგ, „რეალს“ მაინც მოკრძალებულად მოუწევს ყოფნა. მაგალითისათვის, ისინი მატჩის მეორე დღეს ვერ ეწვევიან ალმუდენას კათედრალსა და ქალაქის მერიას, რაც ასევე ტრადიციული ნაწილია.
- 30 აპრილი 2022
- 649
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
