კარიიიმ ბენზემააა - 600/41/14
სამეფო კლუბის „ცხრიანი“ ისტორიის წერას განაგრძობს.
არსებული მომენტისათვის ფრანგი თავდამსხმელი მსოფლიოს საუკეთესო მოთამაშეა და ამ სტატუსს თამაშიდან თამაშამდე კიდევ უფრო ამყარებს.
ჩემპიონთა ლიგის ნახევარფინალურ დაპირისპირებაში, რომელიც „ეტიჰედზე“ გაიმართა, „რეალმა“ სრულიად უნიათო ფეხბურთი შეთავაზა მეტოქეს. მიუხედავად ამისა, სტუმრებმა მინიმალური ანგარიშით დათმეს შეხვედრა და ამაში ლომის წვლილი მიუძღვის ვის, თუ არა კაპიტანს. ამ უკანასკნელმა გულგატეხილი არც „ქალაქელები“ დატოვა და მათ კარში დუბლი შეასრულა. ცალკე აღნიშვნის ღირსია მის მიერ რეალიზებული პენალტი „პანენკას“ სტილში. შედეგად, მიმდინარე ჩ/ლიგაზე კარიმი უკვე 14 გოლს მოითვლის და ტურნირის საუკეთესო ბომბარდირის ჩამონათვალშიც პირველ ადგილს იკავებს. მან ერთი გოლი გადაუსწრო რობერტ ლევანდოვსკის, რომელიც აღნიშნულ გათამაშებას ცოტა ხნის წინ გამოეთიშა.
„სიტისთან“ გამართული პაექრობა კი ბენზემასთვის მე-600 გამოდგა „რეალის“ რიგებში. ის ლეგენდარულ პაკო ხენტოს გაუტოლდა და კლუბის ისტორიაში ჩატარებული მატჩების კომპონენტში, ახლა მხოლოდ 6 ფეხბურთელს ჩამორჩება. ესენი არიან: იერო (601), სანტილიანა (645), რამოსი (671), სანჩისი (710), კასილიასი (725) და რაული (741). წინახაზელს „ბლანკოსის“ მაისურით 20 ტიტული აქვს მოგებული.
ამასთანავე აღსანიშნავია, რომ კარიმმა ამ სეზონში საერთო ჯამში 41 გოლს მოუყარა თავი. ეს მაჩვენებელი რეკორდულია მის კარიერაში.
- 27 აპრილი 2022
- 1073
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
