როდრიგოს მომავალი მბაპეს ტრანსფერზე იქნება დამოკიდებული
როგორც მოგეხსენებათ, მანჩესტერ „იუნაიტედის“ ხელმძღვანელობას ახალმა მწვრთნელმა, ერიკ ტენ ჰაგმა როდრიგო გოეშის დამატება სთხოვა...
ესპანური გამოცემების ცნობით კი, მადრიდის „რეალი“ ახალგაზრდა ბრაზილიელის გაყიდვის შესაძლებლობას ჯერ-ჯერობით არ განიხილავს, ვინაიდან კილიან მბაპეს ტრანსფერი დახურული არ არის.
იმ შემთხვევაში, თუ ლოტინი მადრიდელი გახდება, წინა ხაზის ტრიოს დიდი ალბათობით ვინისიუსის, კილიანისა და კარიმ ბენზემას შემადგენლობით ვიხილავთ, როდრიგოს ადგილი კი სასტარტო შემადგენლობაში ნამდვილად არ იქნება.
გარდა ამისა, გასათვალისწინებელია მარკო ასენსიოს ფაქტორიც, რომელიც ზაფხულში ან გაახანგრძლივებს, ანაც წავა, ვინაიდან კონტრაქტი 2023 წლის 30 ივნისს ეწურება.
ის, რომ გარეთ ბეილი გუნდს დატოვებს ცხადზე ცხადია, ასევე დიდი ალბათობით კოლექტივიდან ედენ აზარიც წავა, რაც გარკვეულწილად გოეშის შანსებს გაზრდის, მაგრამ აქ დიდი მნიშვნელობა მიენიჭება მანჩესტერული კლუბის შემოთავაზებას, არაოფიციალური ინფორმაციით, „წითლები“ ფეხბურთელის სანაცვლოდ 70 მილიონ ევროს ამზადებენ.
- 24 აპრილი 2022
- 981
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.