ანჩელოტის სულ ცოტა აშორებს, ფეხბურთის ისტორიაში გახდეს პირველი მწვრთნელი, რომელსაც ევროპის ტოპ 5 ჩემპიონატი ექნება მოგებული.

მიმდინარე სეზონის პერიპეტიების პარალელურად, იტალიელი დამრიგებელი მომავალზეც ფიქრობს. „მარკას“ ინფორმაციით, გასულ კვირას მთავარი მწვრთნელი ფლორენტინო პერესს შეხვდა, სადაც ერთ-ერთი სასაუბრო თემა გუნდის გაძლიერებას ეხებოდა. კარლიტომ პრეზიდენტს ცენტრალური დაცვის გამაგრების მიზნით, ანტონიო რუდიგერის ტრანსფერზე მუშაობა სთხოვა.

გერმანელ ფეხბურთელს 30 ივნისს ეწურება „ჩელსიში“ ყოფნის ვადა. წლეულს, მან უკვე 47 შეხვედრაში მიიღო მონაწილეობა და საერთო ჯამში 4380 წუთი გაატარა მოედანზე. აღნიშნული პერიოდის განმავლობაში, მოთამაშე 5 გოლისა და 4 ასისტის დაბევებაც შეძლო. ის ყოველთვის სტაბილურად გამოიყურება და შეიძლება ითქვას, ტუხელის შემადგენლობის საკვანძო ფიგურადაც ითვლება.

რუდიგერმა „რეალთან“ გამართულ ორმატჩიან დაპირისპირებაშიც გაუსვა ხაზი მის სათამაშო დონეს, რამაც კიდევ უფრო დაარწმუნა პაპა კარლო.������� dle 10.1������� ������� ������