ის, რომ კარლო ანჩელოტი მსოფლიო ფეხბურთის ისტორიაში ერთ-ერთი საუკეთესო მწვრთნელია, ამაზე მისი კარიერაც მოწმობს.

ბევრი დამრიგებლისგან განსხვავებით, იტალიელი გამორჩეულია არა მხოლოდ სპორტული მიღწევებით, არამედ პირადი ურთიერთობებით ფეხბურთელებთან. მის გასახდელში ყოველთვის დიდებული ატმოსფერო სუფევს და ეს „ელ სადარზე,“ „ოსასუნასა“ და „რეალის“ მატჩამდე კიდევ ერთხელ დადასტურდა.

კამერებმა დააფიქსირეს ერთმანეთში მოსაუბრე ისკო და ანჩელოტი. მართალია, თემატიკის გაშიფვრა ვერ მოხერხდა, თუმცა ამ შემთხვევაში აქცენტი უნდა გაკეთდეს მალაგელის დამოკიდებულებასა და განწყობაზე „მისტერის“ მიმართ. მიმდინარე სეზონში ალარკონმა მხოლოდ 342 წუთი გაატარა საქმეში და ის სულაც არ ჯდება კარლიტოს გეგმებში, მაგრამ მიუხედავად ამისა, საკმაოდ დიდი პატივისცემით არის გუნდის მესაჭესთან და მუდამ სიყვარულით მოიხსენიებს მას.

სწორედ ეს არის ანჩელოტის წარმატების ერთ-ერთი ფორმულა, მისი კოლეგებისთვის კი კარგი გაკვეთილი.

იხ. ვიდეო...������� dle 10.1������� ������� ������