კამავინგა:„დიდი ამბიცია მაქვს, აქ ყველაფრის მიღწევაა შესაძლებელი“
ედუარდო კამავინგამ მადრიდის „რეალში“ მიმდინარე მოვლენებზე, სამომავლო გეგმებსა და მიღწევებზე ისაუბრა...
„სატრანსფერო ფანჯრის მიწურულს ჩემი აგენტი სახლში მოვიდა და მითხრა, რომ მადრიდის „რეალის“ ინტერესი რეალური იყო. ბევრი არ მიფიქრია და მივხვდი, რომ ეს ჩემი შანსი გახლდათ. აქ თამაში ყველას სურს.“
„როგორც კი სამეფო კლუბთან კონტრაქტს ხელს აწერ, ხვდები, რომ სხვა სამყაროში გადადიხარ და შენს მიმართ მოთხოვნები იზრდება.“
„კარგად მახსოვს მადრიდის „რეალისა“ და „ატლეტიკოს“ ჩემპიონთა ლიგის ფინალი, ასევე ფინალური მატჩი „ლივერპულთან“, სადაც ბეილის მოქმედებებმა აღფრთოვანებაში მომიყვანა. ამ გუნდის თამაშების ყურება ყოველთვის დიდ სიამოვნებას მანიჭებდა.“
„როდესაც მოედანზე გავდივარ, მატჩის შემდეგ ვიდეოჩანაწერს ვუყურებ და ვცდილო, ყველა მოქმედება გავაანალიზო, ჩემთვის ეს დეტალები ბევრს ნიშნავს.“
„კაზემირო ყოველთვის მეუბნება, რომ მარტივად ვითამაშო და ეფექტური ვიყო, მისგან ტაქტიკური თვალსაზრისით ბევრი რამის სწავლა შეიძლება.“
„მოდრიჩი და კროოსი ძალიან დიდ გამოცდილებას ფლობენ. ვარჯიშებზე მათ ხშირად ვუყურებ და ვუსმენ. როგორც გერმანელის, ასევე ხორვატის დარიგებები ძალიან მნიშვნელოვანია.“
„ჩვენ გაჩერებას არ ვაპირებთ. ვიცით, რომ გამოწვევები უნდა მივიღოთ. თითოეული ფეხბურთელი ძალიან მოტივირებულია. მიზანს ყველა ტურნირის მოგება წარმოადგენს.“
- 13 მარტი 2022
- 2795
- 61
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
