ანჩელოტი:„„რეალი“ ეიფორიაში არ არის, ჩვენ საჩემპიონო გზას ვადგავართ“
კარლო ანჩელოტიმ „მალიორკასთან“ დაპირისპირების წინ პრესკონფერენცია გამართა...
„ყველა მოთამაშე ხელმისაწვდომია და კარგი დიმანიკა გვაქვს. „პსჟ“-სთან მოპოვებულმა საოცარმა გამარჯვებამ ფეხბურთელებზე კიდევ უფრო კარგად იმოქმედა. ვიცით, რომ „მალიორკა“ ყველა მატჩში ბოლომდე იხარჯება და საკმაოდ რთული გასვლა გველის, თუმცა გამოწვევისთვის მზად ვართ. ჩვენ ლიდერები ვართ და საქმის ბოლომდე მისაყვანად მატჩების მოგება გვესაჭიროება.“
„ბერნაბეუზე არის ატმოსფერო, რომელიც ფეხბურთელებს უფრო მოტივირებულად თამაშში ეხმარება. არენაზე შეკრებილმა საზოგადოებამ „პსჟ“-სთან მატჩში ფეხბურთელები აიძულა უფრო კარგი შედეგი ეჩვენებინათ.“
„ეიფორიაში არ ვართ. მართალია, მატჩის შემდეგ საოცარ განწყობაზე ვიყავით, მაგრამ ემოციებმა უკვე ჩიარა. ვიცით, რომ ეს 1/8 ფინალის მატჩი იყო და ტიტული არ მოგვიგია. ახლა სრული კონცენტრაცია ლა ლიგაზე გვაქვს გადატანილი და ვიცით, რომ წინ დიდი გამოწვევების მიღება მოგვიწევს.“
„ნებისმიერი მწვრთნელი ბედნიერია, რომელსაც გასახდელში კროოსი, მოდრიჩი, მარსელო, ბენზემა და სხვები ჰყავს. ისინი საოცარ გარემოს ქმნიან, რადგან დიდი ავტორიტეტი აქვთ.“
„ტაში მბაპეს მიმართ? ბერნაბეუს პუბლიკის გადაწყვეტილებას მივესალმები. ეს არის სუპერ პროფესიონალიზმის დაფასება და სხვა არაფერი. ფეხბურთის ისტორიას მსგავს რამ ბევრჯერ უნახავს.“
„მე პირადად კილიანს არ მივსალმებივარ, მას თანაგუნდელებთან ერთად საერთო სალამი ვუთხარი. პირადად ვერატის ვესაუბრე, რადგან ის ჩემი შეგირდი იყო.“
„როტაციები? დაღლილი არავინ არის. ფიზიკური თვალსაზრისით ყველა მოთამაშე მოწოდების სიმაღლეზე დგას. თუ ცვლილებები იქნება, ეს ტექნიკური ან ტაქტიკური გადაწყვეტილებიდან გამომდინარეობს.“
„მარსელოს, ისკოს, ბეილისა და ლუკა მოდრიჩის მომავალთან დაკავშირებით კლუბი გადაწყვეტილებას მალე გახდის ცნობილს, რასაც მივესალმები.“
„კურტუა მსოფლიოს საუკეთესო გოლკიპერთა ათეულში? ვფიქრობ, რომ ეს სასაცილო პოზიციაა. ჩემთვის ტიბო საკუთარ პოზიციაზე საუკეთესო მოთამაშეა.“
„იმედგაცრუებული მბაპე? ეს ბუნებრივი მოვლენაა. კილიანმა ბევრი იბრძოლა გუნდის წარმატებისთვის და ორივე მატჩში შეძლო გოლის გატანა.“
„კამავინგას პოზიციები გუნდში მკაფიოა, მას მივიჩნევ აწმყოსა და მომავლის ფეხბურთელად. კროოსის, მოდრიჩის და კაზემიროს ეტაპობრივად ჩანაცვლება შესანიშნავი ფეხბურთელებით მოგვიწევს. ჩვენ ედუარდოს გარდა გვყავს ანტონიო ბლანკო და ფედერიკო ვალვერდე.“
„„პსჟ“-სთან გამარჯვებით „რეალის“ საერთაშორისო იმიჯი არ გაზრდილა. „ბლანკოსს“ ისედაც ყველა იცნობს, როგორც ყველაზე დიდი ისტორიისა და ტრადიციების მქონე გუნდს.“
- 13 მარტი 2022
- 3601
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
