დაუჯერებელი შედეგი - ბენზემამ 309 გოლით ლეგენდარულ დი სტეფანოს გაასწრო
კარიმ ბენზემას ანგარიშზე მადრიდის „რეალის“ მაისურით 309 გოლი ფიქსირდება. ამ მაჩვენებლით ფრანგმა ფეხბურთელმა მადრიდის „რეალის“ ლეგენდის, სიმბოლოს და ყველასათვის ისტორიული ფეხბურთელის, ალფრედო დი სტეფანოს მაჩვენებელი გააუმჯობესა...
დი სტეფანოს 308 გოლი ჰქონდა, ბენზემას აქტივში კი უკვე 309 ბურთია და ის „ბლანკოსის“ ისტორიაში გატანილი გოლების მიხედვით მესამე ბომბარდირია.
ახლა ბენზემას გამოწვევა რაულის მაჩვენებლის გაუმჯობესება იქნება, რომელმაც თეთრი მაისურით 323-ჯერ შეარხია მეტოქის კარის ბადეები. იმისთვის რომ ბენზემა ისტორიაში მეორე საუკეთესო გოლეადორი გახდეს, 15 გოლის გატანაა საჭირო, რაც თავისუფლად შესაძლებელია.
გატანილი 309 გოლიდან 212 ლა ლიგაზე მოდის, 67 ჩემპიონთა ლიგაზე, 21 სამეფო თასზე, ხოლო დანარჩენი სხვა ტურნირებზე.
აღნიშნული რაოდენობის გოლების გასატანად ბენზემას 592 მატჩი დასჭირდა.
- 10 მარტი 2022
- 1773
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
