ტომას რონსერომ „რეალის“ მაგიურ ნახევარდაცვასა და სამომავლო გეგმებზე ისაუბრა. მადრიდისტას საკუთარი ხედვა აქვს, რომელსაც „ას“-ის მეშვეობით ქომაგებს უზიარებს.

„როდესაც რაულ გონსალესი „რეალიდან“ წავიდა 33 წლის იყო, ანალოგიურ ასაკში იმყოფებოდა კრიშტიანო რონალდუს, 35 წლის ასაკში კოლექტივს დაემშვიდობა სერხიო რამოსი, 34-ის წავიდა ფერნანდო იერო და იკერ კასილიასი. დღეს კაზემირო 30 წლის არის და დარწმუნებული ვარ, რომ ბრაზილიელი კიდევ რამდენიმე წლის მანძილზე „მერენგების“ რიგებში შეუცვლელი ფეხბურთელი იქნება.“

„ჩვენ ვუყურებთ ლუკა მოდრიჩს, რომელიც 36 წლის არის, თუმცა უნაკლოდ თამაშობს. ეს ალბათ დამაფიქრებელი ფაქტორიც არის. ხორვატი მოთამაშე ახალგაზრდებს ასპარეზზე არ უშვებს, მაგრამ მისი ბრალი არაფერია, ის უბრალოდ შეუდარებელია და შეუცვლელი ფეხბურთელი გახლავთ.“

„32 წლის ტონი კროოსის სათამაშო კლასი, გამოცდილება და სიზუსტე ყველას აღაფრთოვანებს. ეს არის მაგიური სამეული, რომელიც ისტორიაში საუკეთესო შედეგს აჩვენებს.“

„კამავინგასა და ვალვერდეს სახით მადრიდის „რეალს“ დიდი რესურსი აქვს, მაგრამ ფრანგი ახალგაზრდა კაზემიროს ჯერ-ჯერობით არ ჰგავს, ის ჩამოყალიბების პროცესშია და ბევრი რამის სწავლა მართებს. ანალოგიურ სიტუაციაშია ვალვერდეც, თუმცა ურუგვაელი მადრიდში ცხოვრებას შეჩვეულია და იცის, როგორ განვითარდეს და ითამაშოს ისე, როგორც გუნდს სჭირდება.“

„დღეს მე ვფიქრობ, რომ „პსჟ“-სთან გამარჯვების გზა მაგიური ტრიოს მოწოდების სიმაღლეზე დგომაზე გადადის. დიახ, ადრე თუ გვიან სამეფო კლუბის თავკაცს სხვაგვარი ნახევარდაცვის გამოყენება მოუწევს, მაგრამ ახლა ეს რეალობა გვაქვს.“������� dle 10.1������� ������� ������