„ლივერპული“ და „რეალი“ ვარსკვლავებს გაცვლიან?
ბრიტანული გამოცემების ცნობით, იურგენ კლოპს როდრიგო გოეში კვლავ აინტერესებს. მას შემდეგ, რაც მერსისაიდულმა კლუბმა ლუიშ დიაშის დამატება შეძლო და წინა ხაზი კიდევ უფრო გაამაგრა, ბევრს ეგონა, რომ გოეშის მიმართ ინტერესი გაქრებოდა, თუმცა კლოპს სხვა მიდგომები აქვს...
მერსისაიდული კლუბი ზაფხულში როდრიგოს ტრანსფერზე მაინც იმუშავებს, თუმცა იმ თანხას ვერ იხდის, რასაც ფლორენტინო პერესი ითხოვს. ამას ემატება კარლო ანჩელოტის ფაქტორი, რომელიც ფიქრობს, რომ ბრაზილიელმა წინახაზელმა სამეფო კლუბის რიგები არ უნდა დატოვოს.
კლოპი როდრიგოს ცენტრ-ფორვარდად მოიაზრებს და ფიქრობს, რომ ახალგაზრდა მადრიდისტას რობერტო ფირმინოზე უკეთესი შედეგების ჩვენება შეუძლია.
არსებული ინფორმაციით, „ლივერპულსა“ და „ბლანკოსს“ შორის შესაძლოა საუბარი გაცვლაზე შედგეს. „რეალი“ მარჯვენა მცველს ეზებს და ერთ-ერთი ფავორიტი ტრენრ ალექსანდრ არნოლდია. 23 წლის ფეხბურთელის ფასი უკვე 80 მილიონ ევროს აღწევს.
შედგება თუ არა როდრიგოსა და არნოლდის გაცვლა? ამ საკითხზე მუშაობა დაწყებულია.
- 20 თებერვალი 2022
- 4137
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
