კარვახალი:„ამის გამო მადრიდისტებს პატიებას ვთხოვ“
დანიელ კარვახალმა „ალავესთან“ დაპირისპირების შემდეგ კომენტარი გააკეთა...
„გუნდმა შესანიშნავად ითამაშა და აქტივში მნიშვნელოვანი 3 ქულის ჩაწერა შეძლო. ახლა ლა ლიგის მომდევნო ტურზე უნდა ვიფიქროთ და ლიდერობა განვიმტკიცოთ.“
„პირველ ტაიმში მეტოქე გაცილებით ძლიერი იყო, თუმცა მეორე ნახევარში მათი ყველა შესაძლებლობა დავთრგუნეთ და საკუთარი ფეხბურთი ვითამაშეთ. ვფიქრობ, ძალიან კარგი მეორე ნახევარი გამოგვივიდა და აქტივში დამსახურებული გამარჯვება ჩავიწერეთ.“
„„პსჟ“-სთან ჩემი თამაში საშინელი იყო, ამ საკითხთან დაკავშირებით მწვრთნელს ვესაუბრე და ხარვეზები გავაანალიზე. ქომაგებს პატიებას ვთხოვ და ვიცი, რომ მეორე მატჩში საუკეთესო ფეხბურთს ვითამაშებ.“
„მატჩის ბოლოს დიდი ოვაციები მივიღეთ, ეს ჩვენთვის ძალიან მნიშვნელოვანი იყო.“
„„ბლანკოსთან“ ერთად უამრავი ტიტულის მოგება შევძელი და ზუსტად ვიცი, რამხელა სიხარულია ფინალში გასვლა და გამარჯვება. ჩემპიონთა ლიგაზე აუცილებლად ბოლომდე დავიხარჯებით.“
- 20 თებერვალი 2022
- 914
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
