რონსერო:„მბაპეს სიტუაცია ფეხბურთის საზღვრებს სცდება რაც ძალიან სამწუხაროა“
ტომას რონსერომ მბაპეს ირგვლივ განვითარებულ მოვლენებთან დაკავშირებით საკუთარი მოსაზრება გაასაჯაროვა...
„ზეწოლა იმატებს, ეს ფაქტია და საკმაოდ ლოგიკურიც, მაგრამ ვფიქრობ, რომ მბაპეს სიტუაცია ფეხბურთის საზღვრებს სცდება. პოლიტიკა, სამთავრობო წარმომადგენლობის ჩართულობა და ყატარის წარმომადგენელთა გააქტიურება ფეხბურთელს კარგ ზეგავლენას ნამდვილად ვერ მოახდენს.“
„პატარა ბიჭს ძალიან გაუჭირდება თავი დააღწიოს წნეხს, რომელიც მასზე ხორციელდება. ყველამ იცის, რომ მბაპეს ოცნება „რეალია“, ის ბავშვობიდან აქ თამაშზე ოცნებობს.“
„ყველამ კარგად დავინახეთ, რომ ლოტინი ესპანურად უკვე კარგად საუბრობს, ის ოცნების ახდენაზეა ორიენტირებული. თავის მხრივ, „ბლანკოსი“ ფრანგ ფეხბურთელს ხელგაშლილი ელოდება და მასზე დიდი ავანსების გაცემას აპირებს. დიახ ახლა, როდესაც 1 იანვრამდე არაფერი მოხდა და მბაპემ მსურველ კლუბებთან მოლაპარაკებების უფლება მიიღო, ყველაფერს წერტილი უნდა დაესვას და ფეხბურთელი მადრიდისტა გახდეს.“
„უნდა შეიგნოს ყველამ, მათ შორის ფეხბურთელის მშობლებმა, რომ მოთამაშის არჩევანი მადრიდია. დიახ, სწორედ ის გუნდი, რომელშიც ფრანგი გაიბრწყინებს და ძალიან ბევრ ჯილდოს მოიგებს, როგორც კოლექტიურად, ასევე ინდივიდუალურად.“
„„რეალი“ მეორადი კერძი არ არის. ან ახლა, ან არასდროს. ეს მარტივი ლოგიკაა.“
- 18 თებერვალი 2022
- 1799
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
