ანჩელოტი:„მბაპე ევროპაში საუკეთესოა“
კარლო ანჩელოტიმ „პსჟ“-სთან დაპირისპირების შემდეგ პრესკონფერენცია გამართა...
„ეს იყო ძალიან რთული მატჩი, სადაც მეტოქეს თავისუფალ სივრცეებს არ ვაძლევდით, თუმცა პოჩეტინოსაც მსგავსი გეგმები ჰქონდა. ჩემს შემტევებს პარიზელები მცველები მუდმივად მჭიდროდ ეთამაშებოდნენ. ყველაფერი ბერნაბეუზე გადაწყდება, თუმცა წაგებას ფრე სჯობდა. ბოლო წამებში გაშვებული გოლის გამო, ჩვენი ამოცანა ბევრად რთულია.“
„მენდისა და კაზემიროს სახით მეორე მატჩში სერიოზული დანაკლისი გვექნება, მაგრამ ვეცდები, მათი ჩანაცვლება სრულფასოვნად მოვახერხო.“
„კურტუა შესანიშნავი კიპერია, მან რამდენიმე მომენტში კიდევ ერთხელ დაგვიმტკიცა, რომ „რეალის“ კარის უსაფრთხოებაზე ბრწყინვალე მეკარე ზრუნავს. მოგერიებული პენალტი? ამ მიმართულებით ბელგიელი ყოველთვის ბევრს მუშაობს.“
„ბენზემას შანსები არ ჰქონდა, რადგან ბურთის ფლობის მხრივ პრობლემები გვექმნებოდა. წინა ხაზში აგრესიულები საერთოდ არ ვიყავით, რამაც საბოლოო ჯამში ის შედეგი განაპირობა, რაც ტაბლოზე დაფიქსირდა.“
„კარიმს ჯანმრთელობის მხრივ პრობლემები არ ჰქონდა. ის შესანიშნავად მოძრაობდა და არც დისკომფორტი უგრძვნია. ძალიან მნიშვნელოვანი იყო „9“-იანის დაბრუნება.“
„კილიან მბაპემ აჩვენა, რომ ევროპის საუკეთესო ფეხბურთელია. მატჩის შემდეგ ეს ფრანგს ვუთხარი. კილიანის მანევრი, თამაშის სტილი და მონდომება ნამდვილად დასაფასებელია.“
„ჩვენ ვიცით, რომ ბერნაბეუზე გაცილებით სხვა სტილის ფეხბურთის ჩვენება გვმართებს. კარგად მომზადებას ვაპირებთ.“
„მბაპეს გაჩერება ფაქტობრივად წარმოუდგენელია,მასთან ყველას უჭირს, თუმცა უნდა აღინიშნოს, რომ ედერ მილიტაო 90 წუთის მანძილზე მოწოდების სიმაღლეზე იდგა.“
„კაზემიროს, კროოსის და მოდრიჩის ტრიო მეორე მატჩში არ გვეყოლება, მაგრამ ჩვენ სხვა გზებით ვეცდებით მაურისიო პოჩეტინოს გუნდის დამარცხებას.“
- 16 თებერვალი 2022
- 7929
- 26
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
