„ზამორას“ ჯილდოსთვის ბრძოლაში ტიბო კურტუა ჯერ-ჯერობით მოწინავე პოზიციაზეა. მადრიდის „რეალის“ კიპერს 23 დაპირისპირებას 20 გოლი აქვს გაშვებული, რაც ესპანეთის ლა ლიგაში უნიკალური შედეგია...

ტიბო თითო დაპირისპირება საშუალოდ 0.87 გოლს უშვებს და მსგავსი შედეგი არცერთ სხვა კიპერს არ აქვს.

მიუხედავად იმისა, რომ „სევილიას“ ამ სეზონში „რეალზე“ ნაკლები გოლი აქვს გაშვებული, ლოპეტეგის გუნდი სეზონის მანძილზე სხვადასხვა მეკარეს იყენებდა, „ზამორას“ კოეფიციენტი კი ჩატარებული მატჩებისა და გაშვებული გოლების ნაზავით ხდება.

ჯილდოსთვის ბრძოლაში მეორე ადგილზე „ხეტაფეს“ კარის დარაჯი დავიდ სორიაა, რომელსაც 23 მატჩში 23 გოლი აქვს გაშვებული, ის თითო დაპირისპირებაში საშუალოდ 1 გოლს უშვებს.

ლა ლიგის დასრულებამდე „რეალს“ კიდევ 15 ტურის გამართვა მოუწევს, სადაც ბევრი რამ შეიძლება მოხდეს, თუმცა ფაქტია, რომ ტიბო წლევანდელ სეზონში ძალიან სტაბილურად გამოდის.
������� dle 10.1������� ������� ������