ესპანეთის პრიმერა დივიზიონის 23-ე ტურის ფარგლებში „გრანადას“ წინააღმდეგ ჩატარებული მატჩი, საიუბილეო გამოდგა „რეალის“ ორი ფეხბურთელისათვის.

ტიბო კურტუამ „ბლანკოსის“ რიგებში მე-100 გამარჯვება (78 ლა ლიგაზე, 16 ჩ/ლიგაზე, 1 „კოპა დელ რეიზე,“ 2 საკლუბო მუნდიალზე და 3 ესპანეთის სუპერ თასზე) მოიპოვა. საერთო ჯამში, ბელგიელმა კარის დარაჯმა სამეფო კლუბის ღირსება 161-ჯერ დაიცვა, რა პერიოდის განმავლობაშიც, თითო-თითოჯერ მსოფლიო საკლუბო მუნდიალისა და ლა ლიგის გამარჯვებული გახდა, ხოლო 2-ჯერ ესპანეთის სუპერ თასის. აღსანიშნავია, რომ 2019/20 წ.წ. სეზონში, პირველმა ნომერმა „ზამორას“ ტიტულიც დაიბევა.

კურტუა მე-4 სეზონს ატარებს მადრიდულ გრანდში. მისი დებიუტი 2018 წლის 1-ელ სექტემბერს შედგა.

რაც შეეხება ისკო ალარკონს, განვლილი დაპირისპირება მისთვის 350-ე გამოდგა დედაქალაქური გრანდის შემადგენლობაში. თამაშის დაწყებამდე, სადაც 65 წუთის განმავლობაში ირჯებოდა, ნახევარმცველმა ფლორენტინო პერესისგან სიმბოლური მაისურიც მიიღო. მალაგელის ციფრები შემდეგნაირად გამოიყურება: 243 პაექრობა პრიმერაში, 62 ჩ/ლიგაზე, 31 „კოპა დელ რეიზე,“ 6 საკლუბო მუნდიალზე, 4 ევროპის სუპერ თასზე და 4 ესპანეთის სუპერ თასზე.

ისკო „თეთრი“ მაისურით 17-ჯერ დაეუფლა სხვადასხვა ტურნირს.������� dle 10.1������� ������� ������