ანჩელოტი:„დიდი დანაკლისის მიუხედავად დიდი უპირატესობით მოგებას ვგეგმავთ“
კარლო ანჩელოტიმ „გრანადასთან“ დაპირისპირების წინ პრესკონფერენცია გამართა...
„ვიცით, რომ სულ ცოტა დრო გვქონდა მოსამზადებლად, მაგრამ „გრანადა“ აუცილებლად უნდა დავამარცხოთ. დანაკლისი მართლაც დიდია. ვინისიუს ჟუნიორის და კარიმ ბენზემას გარეშე თამაში მარტივი არ იქნება, თუმცა ჩვენ გვყავს სხვა ფეხბურთელები, რომლებიც შეუტევენ და 3 ქულის მოპოვებას შეეცდებიან.“
„ჯანსაღ კრიტიკას ყოველთვის მივიღებ. ვიცოდი, რომ „ბილბაოსთან“ მარცხის შემდეგ ჩემზე დიდი შეტევა წამოვიდოდა, თუმცა ეს ნორმალურია.“
„„ბილბაოსთან“ გვქონდა შეცდომები, რომელსაც ახლა გამოვასწორებთ, თუმცა თითოეულ მატჩს ინდივიდუალური მიდგომა სჭირდება. სამეფო თასიდან გამოთიშვა არ გვსურდა, მაგრამ წინ ვიყურებით. ახლა ჩვენი მიზანი ჩემპიონთა ლიგისა და ლა ლიგის მოგება იქნება.“
„ვინისიუსი სასტარტო შემადგენლობაში დავაყენე, რადგან ვთვლიდი, რომ წინ სწრაფი ფეხბურთელები გვჭირდებოდა, თუმცა ბრაზილიელი დაიღალა და სათანადო დონეზე ვეღარ ითამაშა.“
„იანვრის თვე ძალიან რთული გამოდგა. ფეხბურთელებმა ითამაშეს ლა ლიგაში, სამეფო თასსა და ესპანეთის სუპერთასზე, სადაც საკმაოდ ხანგრზლივი მოგზაურობაც მოუხდათ. ახლა ვითარება შეცვლილია და ვთვლი, რომ კონკრეტული დაპირისპირებებისთვის სათანადო მომზადებას შევძლებთ.“
„მენდის დაბრუნებას მოუთმენლად ველი, მალე შემოგვიერთდება მარიანო დიასიც და კოლექტივში მეტი რესურსი გაჩნდება.“
„სასტარტო შემადგენლობაზე ჯერ არ ჩამოვყალიბებულვარ, ამისთვის კიდევ 1 დღე მაქვს. ვეცდები, საუკეთესო თერთმეტეული ავარჩიო.“
„ბეილის დაცინვა? არ ვფიქრობ, რომ მან ჩემი ქმედებების გამო გაიღიმა, ეს აბსურდად მიმაჩნია. მწვრთნელის გადაწყვეტილებებს „რეალში“ ყველას პატივს სცემს. ასეთ საქციელს არავის ვაპატიებდი.“
„იმ მომენტში აზარი მოედანზე შესასვლელად ემზადებოდა, რადგან დამატებით დროში მის გამოყენებას ვაპირებდი.“
„აზარი? ის კარგად ვარჯიშობს და შანსს აუცილებლად მიიღებს. ბელგიელის ბოლოდროინდელი პროგრესით კმაყოფილი ვარ. რაც მთავარია, მას ტრავმების პრობლემა აღარ აქვს.“
„ისკოს ახალი კონტრაქტი? მას „ბლანკოსთან“ მოქმედი ხელშეკრულება აკავშირებს. არ ვთვლი, რომ ახლა ამაზე საუბარრისთვის შესაბამისი დროა.“
„დიდი იმედი მაქვს, ბენზემას დაბრუნება მალე მოხდება. გუნდში ფრანგი ფეხბურთელის საჭიროება ნამდვილად დგას. უმნიშვნელოვანეს დაპირისპირებებში „9“-იანის მოედანზე ყოფნა სასიცოცხლოდ მნიშვნელოვანია. 2-3 დღის შემდეგ ბენზემასთან დაკავშირებით გაცილებით მეტი ინფორმაცია გვექნება.“
„კარიმი ლა ლიგის ბომბარდირია, ასევე შესანიშნავად გამოდის ჩემპიონთა ლიგასა და სხვა ტურნირებზე. ბუნებრივია, მისი საჭიროება გუნდში არსებობს და ჩვენი შეტევა გარკვეულწილად მასზეა დამოკიდებული.“
„მადლობა, რომ კრიტიკას ხშირად მახსენებთ (იცინის), ეს უფრო ფხიზელს და მოტივირებულს მხდის.“
„ჩემმა ფეხბურთელებმა საკმაოდ დიდი დატვირთვა მიიღეს სხვადასხვა ტურნირზე, შესაბამისად მომდევნო დაპირისპირებებში როტაცია გარდაუვალი იქნება. ეს ბუნებრივი პროცესია. უნდა ვეცადოთ, რომ ყველა დაპირისპირებაში საუკეთესოდ მომზადებული ფეხბურთელები გავიყვანოთ მოედანზე. როტაცია მოდის მაშინ, როდესაც ძირითადი შემადგენლობის რომელიმე ფეხბურთელი მზად არ არის, ან ტრავმირებულია.“
- 5 თებერვალი 2022
- 1562
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
