მიგელ გუტიერესი „რეალის“ დატოვების პერსპექტივას განიხილავს
იმ შემთხვევაში, თუ მარსელოს წასვლის შემდეგ მადრიდის „რეალი“ ფერლან მენდის დუბლიოს მოიყვანს, მიგელ გუტიერესი გუნდის დატოვებაზე იფიქრებს...
ახალგაზრდა განაპირა მცველი თვლის, რომ მას ბევრად მაღალ დონეზე თამაში შეუძლია, ვიდრე ამას „კასტილიას“ რიგებში აკეთებს, ხოლო თუ ანჩელოტი გათვლას სხვა მოთამაშეზე გააკეთებს, იძულებული გახდება წასვლაზე იფიქროს.
გუტიერესს ესპანეთში და არამხოლოდ ესპანეთში რამდენიმე მსურველი ჰყავს, თუმცა უპირველეს მიზანს სამეფო კლუბში დარჩენა წარმოადგენს.
არსებული ინფორმაციით, სეზონის ბოლოს მიგელი წარმომადგენლებთან ერთად კარლო ანჩელოტის შეხვდება და მის გეგმებს მოისმენს. თუ იტალიელ გათვლას გუტიერესზე არ გააკეთებს, ზაფხულში მოთამაშე მსურველი კლუბების წინადადებებს მოისმენს.
- 5 თებერვალი 2022
- 423
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
