ანჩელოტი:„„ბილბაომ“ სეზონის საუკეთესო თამაში ჩაატარა“
კარლო ანჩელოტიმ „ბილბაოსთან“ დაპირისპირების შემდეგ პრესკონფერენცია გამართა და წაგების მიზეზებსა ისაუბრა...
„ვერ ვიტყვი, რომ ეს სეზონის ყველაზე ცუდი თამაში იყო, თუმცა ბევრი რამ არ გამოგვივიდა, რასაც გარკვეული ასპექტები განაპირობებდა.“
„მარსელინოს გუნდის სტრატეგიით გაკვირვებული არ ვყოფილვარ. ბასკური კლუბი ყოველთვის ასე თამაშობს და სიურპრიზი არაფერი გახლდათ, უბრალოდ მათ უნაკლოდ იასპარეზეს.“
„თქვენ მხოლოდ ბეილსა და ედენზე აპელირებთ, რატომ არ საუბრობთ კარვახალსა და სებალიოსზე? ვფიქრობ, ყველა ფეხბურთელი იმსახურებდა მოედანზე გასვლას.“
„კროოსი და ვინისიუსი დასვენებული ფეხბურთელებით შევცვალე. აზარისა და ბეილის ჩართვა თამაშში დამატებით დროში იგეგმებოდა, ვინაიდან ყველაფერი ამისკენ მიდიოდა. სამწუხაროდ, გოლის გაშვებამ გეგმები შეცვალა.“
„ისკოს მოედანზე შესვლამ ნახევარდაცვაში ბევრი რამ დაალაგა, თუმცა როგორც სჩანს, საკმარისი დრო არ გვქონდა იმისათვის, რომ თამაშში გარდატეხა შეგვეტანა. გაშვებული გოლის შემდეგ გონს მოგებაც ვერ მოვასწარით.“
„რატომ შევცვალე ვინისიუსი? ბრაზილიელს ნაკრებში დიდი დატვირთვა ჰქონდა მიღებული, მისთვის რეკომენდირებული 1 საათზე მეტი არ გახლდათ. სხვა მიზეზი არ არსებობს.“
„„ბილბაომ“ სეზონის საუკეთესო მატჩი ჩაატარა და საფინალო სასტვენის შემდეგ ეს მარსელინოსაც ვუთხარი. მეტოქე ისე თამაშობდა, თითქოს მოედანზე უფრო მეტი ფეხბურთელი ჰყავდა. მათ 90 წუთის მანძილზე არნახული პრესინგი შემოგვთავაზეს და ყველა ბურთზე ბოლომდე იბრძოდნენ. ვფიქრობ, ბასკურ კლუბს ჩემპიონობის შანსი აქვს, მათი შემართება ნამდვილად დასაფასებელია.“
„სტადიონზე არსებულმა გარემომ „ატლეტიკის“ მოთამაშეებს კიდევ უფრო დიდი მოტივაცია მისცა. ცხადი იყო, რომ პირველივე წუთებიდან რთული თამაში გველოდა.“
- 4 თებერვალი 2022
- 2474
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
