გთავაზობთ „რეალის“ ფეხბურთელთა შეფასებებს Bernabeudigital-ის მიხედვით...

კურტუა 7

ბელგიელმა რამდენიმე მნიშვნელოვანი სეივი განახორციელა და გუნდს დაეხმარა, თუმცა მატჩის მიწურულს გოლი მაინც გაუშვა.

ვასკესი 5

ლუკასი საკმაოდ სწრაფად მოძრაობდა და დაცვით ფუნქციებს კარგად ასრულებდა, თუმცა შეტევაში საერთოდ არ გამოჩენილა და სიტუაციას ვერ ამწვავებდა.

მილიტაო 7

ედერი შესანიშნავი იყო ყველა მომენტში. ბრაზილიელმა დაცვაში არნახული სამუშო გასწია, მაგრამ ეს არ აღმოჩნდა საკმარისი.

ნაჩო 7

ნაჩეტემ ყველა მომენტში ბოლომდე იბრძოლა და გუნდი გაშვებულ გოლს არაერთხელ გადაარჩინა, თუმცა მატჩის მიწურულს ბასკებმა მისი „გაბითურება“ და გოლის გატანა მაინც შეძლეს.

ალაბა 5

დავიდს ძალიან სუსტი მატჩი ჰქონდა, როგორც სჩანს, ის მარცხნივ ისეთივე ეფექტური აღარ არის, როგორიც ადრე იყო. ავსტრიელის პოზიცია „რეალში“ ცენტრალური მცველია და მან მილიტაოს მეწყვილედ თამაში უნდა განაგრძოს.

კაზემირო 3

ბრაზილიელ ნახევარმცველს საშინელი მატჩი ჰქონდა, ის სასურველი თამაშისგან შორს იყო, როგორც ბურთით, ასევე უბურთოდ. სწორედ კაზეს შეცდომას მოჰყვა მარსელინოს გუნდის გადამწყვეტი გოლი.

კროოსი 4

გერმანელმა ვერ ითამაშა ისე, როგორც ამას ხალხია მიჩვეული. ტონი ხშირად იყო ინერტული და სიზუსტითაც ვერ გამოირჩეოდა.

მოდრიჩი 5

ლუკიტა ნახევარდაცვაში საუკეთესო იყო, თუმცა საბოლოო ჯამში მისმა ქმედებებმა შედეგი ვერ გამოიღო. ასევე აღსანიშნავია პირველ ტაიმში დაშვებული რამდენიმე შეცდომა.

როდრიგო 3

ბრაზილიელი ახალგაზრდის გადაწყვეტილებები ძალიან არაგონივრული იყო, მას აკლდა გამბედაობა და ხასიათი.

ვინისიუსი 4

როგორც სჩანს, სანაკრებო მატჩებმა ვინიზე სერიოზულად იმოქმედა, ის ვერც სისწრაფეებს ანვითარებდა და ვერც ტექნიკური არსენალი შემოგვთავაზა.

ასენსიო 3

ესპანელი იყო სრულიად შეუმჩნეველი, როგორც პირველ, ასევე მეორე ტაიმში. მატჩის მიწურულს მარკო გააქტიურდა, თუმცა ეს მხოლოდ რამდენიმე ეპიზოდზე ითქმის.

ისკო 5

ალარკონის შემოსვლამ „რეალის“ თამაში შედარებით დაალაგა, თუმცა თანაგუნდელებმა მხარი ვერ აუბეს.

კამავინგა 4

ფრანგი ნახევარმცველის მოედანზე შემოსვლა აბსოლუტურად შეუმჩნეველი დარჩა.
������� dle 10.1������� ������� ������