კურტუა:„ამ ფეხბურთელის „რეალში“ გადმოსვლა ჩემი ოცნებაა“
ტიბო კურტუამ მადრიდის „რეალში“ მიმდინარე სიტუაციაზე, სამომავლო გეგმებსა და კილიან მბაპეს ტრანსფერზე ისაუბრა...
„ჩემი ყველაზე დიდი ოცნება მადრიდის „რეალთან“ ერთად ჩემპიონთა ლიგის მოგებაა და მჯერა, რომ დიდი ბრძოლით ამას მოვახერხებ. „ბლანკოსმა“ ევროპულ სარბიელზე დიდი ისტორია შექმნა და ეს ყველაფერი გრძელდება.“
„მოვიგე პრემიერლიგა, ლა ლიგა და კიდევ ბევრი სხვა თასი, მაგრამ მსურს, რომ კარიერის დასრულებამდე ჩემპიონთა ლიგის მოგებაც შევძლო, ეს დიდი გვირგვინი იქნებოდა.“
„„პსჟ“-სთან დაპირისპირებებისთვის განსაკუთრებით ვემზადებით და ვთვლით, რომ ფრანგული ბარიერის გადალახვა შეგვიძლია. ეს არის ნაადრევი ფინალი 1/8 ფინალში. სამწუხაროა, რომ ერთ-ერთი გუნდი ასპარეზობას ეთიშება და ევროსარბიელზე აღარ იქნება. ამ დაპირისპირებაში ყველაფერს დეტალები გადაწყვეტს. თუნდაც „სეივი“, გამოუყენებელი მომენტი და ასე შემდეგ.“
„ახლა მთავარი ის არის, რომ „ბლანკოსის“ ყველა ფეხბურთელი 1/8 ფინალამდე ტრავმის გარეშე მივიდეს და მთავარმა მწვრთნელმა რესურსის სრულად ათვისება მოახერხოს.“
„სამეფო თასის ფორმატი საკმაოდ საინტერესოა. იმედი მაქვს, ამ ტურნირზე ასპარეზობას შევძლებთ. „რეალს“ „ლა კოპა“ დიდი ხანია არ მოუგია, ახლა კი საკმაოდ საპასუხისმგებლო ეტაპზე იმყოფება.“
„„პსჟ“-ს ჰყავს ნეიმარი, მესი, მბაპე, რამოსი და სხვა უმაღლესი დონის ფეხბურთელები, თუმცა ამ სპორტში კოლექტიური წარმატებაა საჭირო და არა ინდივიდუალური, ჩვენ გვჯერა ჩვენი შესაძლებლობების.“
„ჰოლანდის და კილიანის გამადრიდელება? რა თქმა უნდა ბედნიერი ვიქნები, თუ ისინი აქ მოვლენ. როდესაც ძალიან სახიფათო ფორვარდები შენი გუნდის ღირსებას იცავენ და არა სხვა კოლექტივის, ყოველთვის წინ ხარ.“
„ვისურვებდი, რომ მბაპე ამ ზაფხულს მართლაც გახდეს მადრიდელი, მასში არნახულ პერსპექტივას ვხედავ.“
- 28 იანვარი 2022
- 2286
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
