კურტუა, ვალვერდე და კამავინგა „ხეტაფესთან“ ხელმისაწვდომები იქნებიან
„ხეტაფესთან“ დაპირისპირებაში ანჩელოტის განკარგულებაში ფედერიკო ვალვერდე, ტიბო კურტუა და ედუარდო კამავინგა იქნებიან. პირველი კოვიდ ტესტის დადებითი პასუხის შემდეგ, ხსენებულმა ფეხბურთელებმა რამდენიმე PCR ტესტი ჩაიტარეს და პასუხი უარყოფითია, ამასთან ერთად მათ არანაირი სიმპტომი არ აღენიშნებათ...
„ბლანკოსმა“ უკვე ოფიციალურად მიიღო უფლება იმისა, რომ ფეხბურთელები ვარჯიშში ჩართოს. ბელგიურ-ურუგვაულ-ფრანგული ტრიო დღეს საწვრთნელ ბაზაზე გამოჩნდება, ხვალ კი 2022 წლის პირველი მატჩის ჩატარებას შეძლებს.
კარლიტო განაცხადს სავარაუდოდ დღეს დაასახელებს, სადაც შემადგენლობის შესახებ უფრო მეტი ინფორმაცია გახდება ხელმისაწვდომი.
ასევე ცნობილია, რომ თამაშის უფლება ჯერ-ჯერობით ვერ მიიღო ვინისიუს ჟუნიორმა, თუმცა დიდი ალბათობით, მასაც მალე ვიხილავთ საქმეში, ვინაიდან ბოლო 2 კოვიდ ტესტის პასუხი უარყოფითია.
- 1 იანვარი 2022
- 492
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
