კარლო ანჩელოტი ნაჩო ფერნანდესზე ნერვიულობს. იტალიელი სპეციალისტი დაცვის ცენტრში ედერ მილიტაოსა და დავიდ ალაბას დუეტს უალტერნატივოდ მიიჩნევს, მაგრამ ესპანელი ფეხბურთელის შრომის დაფასებას სხვადასხვა ხერხით ეცდება...

ნაჩო შესანიშნავად ვარჯიშობს, ძალიან კარგ ფიზიკურ კონდიციაში იმყოფება და გუნდს ყველა პოზიციაზე ეხმარება, სადაც ამის საჭიროება არსებობს.

ფერნანდესს ამ სეზონში 18 მატჩში აქვს მონაწილეობა მიღებული, თუმცა მის ანგარიშზე მხოლოდ 1034 წუთია, რაც იმას ნიშნავს, რომ მოედანზე მეტწილად მცირე ხნით ჩნდება.

აღსანიშნავია, რომ ნაჩეტემ 2 გოლის გატანაც მოახერხა.

კარლო ანჩელოტის გეგმის მიხედვით, ნაჩო სამეფო თასზე აუცილებლად მიიღებს სრულფასოვან დატვირთვას, ასევე ხშირად გამოჩნდება დაცვის მარჯვენა და მარცხენა ფლანგზე, რათა მისი კონდიცია არ გაუარესდეს. ასევე, ალაბას ან მილიტაოს არყოფნის პირობებში, პირველი ალტერნატივა სწორედ ესპანელი იქნება.

ანჩელოტი ღიად აღნიშნავს, რომ ნაჩო გუნდის უმნიშვნელოვანესი ფიგურაა და ის ყველაფერს იმსახურებს.������� dle 10.1������� ������� ������