კარლო ანჩელოტიმ „კადისთან“ მატჩის შემდეგ პრესკონფერენცია გამართა...

„უმძიმესი მატჩი გამოდგა. „კადისის“ ნახევარზე ვიყავით, მაგრამ დასკვნით ფაზაში თამაში სერიოზული პრობლემა იყო. მეტოქე 11 ფეხბურთელით იცავდა თავს, რაც სივრცეების პოვნაში ხელს გვიშლიდა. მატჩის შემდეგ ფეხბურთელებს ვუთხარი, რომ სასაყვედურო არაფერი მაქვს, ვინაიდან ისინი ბოლომდე იბრძოდნენ და რამდენიმე რეალური მომენტიც შექმნეს. სიმშვიდის შენარჩუნება და მომდევნო მატჩზე ფიქრი გვმართებს. ქულების დაკარგვა აღარ გვეპატიება.“

„აზარს უჩვეულო პოზიციაზე თამაში გაუჭირდა, თუმცა მეორე ტაიმში გაცილებით უკეთესი იყო. სეზონის მეორე ნახევარში ბელგიელის როლი შესაძლოა კიდევ უფრო გაიზარდოს, ის მშვენივრად კომბინირებს ბენზემასთან.“

„კაზემიროს ყვითელი სამართლიანია, ვერაფერს ვიტყვით. სამწუხაროა, რომ ბრაზილიელი მომდევნო მატჩში გუნდის დახმარებას ვერ შეძლებს, თუმცა ეს მომენტი ადრე თუ გვიან აუცილებლად დადგებოდა.“

„„სევილია“ უმთავრესი კონკურენტია, მაგრამ ცხრილში არიან გუნდები, რომლებიც ახლა ჩვენს მეტოქედ არ აღიქმებიან, თუმცა ვითარება შეიცვლება. ჩემპიონობისთვის ბრძოლას კიდევ რამდენიმე კლუბი დაუბრუნდება.“

„ყველაზე მნიშვნელოვანი ჯანმრთელობაა. ჩემს ფეხბურთელებს მოედანზე დროულად დაბრუნებას ვუსურვებ. „რეალში“ ამ მხრივ პრობლემებია, თუმცა მალე ყველაფერი გამოსწორდება.“������� dle 10.1������� ������� ������