ზიდანი იანვარში ახალ კლუბს ჩაიბარებს?
ესპანური და ფრანგული გამოცემების ცნობით, ზინედინ ზიდანმა იანვრიდან შესაძლოა ახალი კლუბი ჩაიბაროს...
„პარისენჟერმენის“ ხელმძღვანელობა ტომას ტუხელის სცენარის განმეორებას გეგმავს, როდესაც გერმანელმა სპეციალისტმა თანამდებობა ზამთარში დატოვა და შემდეგ პრემიერლიგას მიაშურა.
საფრანგეთის დედაქალაქში პოჩეტინოს მუშაობით უკმაყოფილოები არიან და 2022 წლის დაწყებისთანავე მის გათავისუფლებას გეგმავენ, თუმცა ამას თავისი წინაპირობა ექნება.
ფრანგები ზიდანთან მოლაპარაკებებს ინტენსიურ რეჟიმში გადაიყვანენ და ყველაფერს გააკეთებენ მის დასაყოლიებლად. იმ შემთხვევაში, თუ ზიზუ პარიზულ გრანდს ჩაიბარებს, ჩემპიონთა ლიგის 1/8 ფინალში „ბლანკოსის“ წინააღმდეგ მოუწევს გუნდის გამოყვანა.
ალბათ ძალიან ამაღელვებელი იქნება, როდესაც ზინედინ ზიდანი ბერნაბეუს მოწინააღმდეგის როლში ესტუმრება.
ამასთანავე, ყატარელებს კიდევ აქვთ იმის იმედი, რომ ზიზუს დაყოლიების შემთხვევაში, მბაპეს დარჩენის შანსს შეინარჩუნებენ.
- 18 დეკემბერი 2021
- 8095
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
