შესაძლებელია, 19 წლის ფეხბურთელისათვის ხვალინდელი დღე მეტად დასამახსოვრებელი გამოდგეს.

როგორც იცით, „ვალდებებასზე“ კორონავირუსის ახალი ტალღის წარმოქმნის შემდეგ, ანჩელოტის მიყოლებით 6 შეგირდი (მოდრიჩი, მარსელო, როდრიგო, ასენსიო, ბეილი და ლუნინი) გამოაკლდა, რის გამოც, იტალიელმა სპეციალისტმა მიმდინარე კვირის ვარჯიშებზე რამდენიმე ახალგაზრდა მოთამაშეს უხმო, მათ შორის არის პეტერ ფედერიკო კარმონა გონსალესიც. ეს უკანასკნელი „რეალის“ აკადემიის ერთ-ერთ იმედისმომცემ მოთამაშედ ითვლება.

პეტერი მარჯვენა შემტევის პოზიციაზე ირჯება. მას აქვს უნარი შეცვალოს თამაშის რიტმი და გარდატეხა შეიტანოს მის მიმდინარეობაში. მოთამაშის დრიბლინგი ცალკე აღნიშვნის ღირსია. მიმდინარე სეზონში, ახალგაზრდულ ჩემპიონთა ლიგაზე, მადრიდელი 2 გოლსა და 1 გადაცემას მოითვლის, ხოლო სეგუნდა ბ დივიზიონში 2-2 შედეგიან დარტყმასა და ასისტს.

რაულის პირობებში ახალგაზრდა ფეხბურთელის სათამაშო დონე მნიშვნელოვნად ამაღლდა. ის თავდაუზოგავი შრომით გამოირჩევა და სრულად ახდენს თავისი ნიჭის დემონსტრირებას.

თუ ყველაფერი გეგმის მიხედვით წარიმართა, პეტერი „კადიდის“ წინააღმდეგ სადებიუტო წუთების მიიღებს. მას თავისუფლად ძალუძს ასენსიოს, ბეილისა და როდრიგოს დანაკლისის შევსება მარჯვენა ფლანგზე. აღსანიშნავია, რომ ის „კასტილიას“ არ გაჰყოლია სევილიაში, სადაც ლეგენდარული „შვიდიანის“ შეგირდების „ბეტისს“ შეერკინებიან.

AS������� dle 10.1������� ������� ������