ანჩელოტი:„„ბარსელონას“ ჯგუფში ჩარჩენის საკითხი არ მაინტერესებს“
კარლო ანჩელოტიმ „ინტერთან“ მატჩის შემდეგ პრესკოფერენცია გამართა...
„გასახდელში შესანიშნავი ატმოსფეროა. მადრიდის „რეალი“ ხარისხიან ფეხბურთს თამაშობს და ჯანსაღი ამბიცია აქვს. ზუსტად ვიცით, როგორ შეიძლება შესაძლებლობების გამოყენება.“
„როდრიგოსა და ასენსიოს შორის არჩვანს ვერ გავაკეთებ. ორივე მოთამაშე დიდ როლს ასრულებს გუნდის წარმატებაში. დიდი მნიშვნელობა აქვს ტაქტიკურ მონახაზებსა და კონკრეტულ მატჩს.“
„თუ „ბარსა“ ჩემპიონთა ლიგის ჯგუფში ჩარჩება, ლა ლიგაზე მეტ აქცენტს გადაიტანს, ეს ფაქტია. სხვა მხრივ, კატალონიელთა შედეგებისადმი ინტერესი არ მაქვს.“
„არის მომენტები, როდესაც მაქსიმალური პრესინგისგან თავს ვიკავებთ და მეტოქეს თამაშის საშუალებას ვაძლევთ, თუმცა ამ დროს დაცვაში ძალიან ზუსტები ვართ.“
„დაცვითი ასპექტი ბევრად გავაუმჯობესეთ. მილიტაოს და ალაბას ინდივიდუალური თვისებები ბევრ კომპონენტში გვეხმარება.“
„მოდრიჩს დატვირთვის მიღება შეეძლო და მოედანზე გასვლის საშუალება მივეცი. ხორვატი მშვიდად ცხოვრობს და ახლა რამდენიმე დღე ექნება დასვენებისთვის. ვალვერდესა და კამავინგას სახით რესურსი არსებობს.“
„იოვიჩის თამაშით კმაყოფილი ვარ. თუ ბენზემა „ატლეტიკოსთვის“ მზად არ იქნება, სერბი ფორვარდი დერბის სასტარტო შემადგენლობაში მოხვდება.“
- 8 დეკემბერი 2021
- 6856
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
