„რეალი“ კონტრაქტს 6 ფეხბურთელს გაუხანგრძლივებს
ესპანური გამოცემების ცნობით, მადრიდის „რეალი“ 6 ფეხბურთელთან აპირებს კონტრაქტის გახანგრძლივებას და შესაბამისი პროცედურები უკვე დაწყებულია...
ფლორენტინო პერესის უმთავრესი საზრუნავი ლუკა მოდრიჩია, რომელსაც მოქმედი ხელშეკრულება მიმდინარე სეზონის ბოლოს ეწურება.
მადრიდში ასევე სერიოზულად ფიქრობენ ტონი კროოსზეც, რომელსაც კონტრაქტი 2023 წლამდე აქვს, მაგრამ „რეალს“ თანამშრომლობა 2024 წლის ზაფხულამდე სურს. გერმანელ ფეხბურთელთან დაკავშირებით საქმე რთულადაა, ვინაიდან ის კარიერის დასრულებაზე ფიქრობს, ამ მიმართულებით „ბლანკოსი“ აუცილებლად იმუშავებს. გარდა ხორვატიულ-გერმანული დუეტისა, აუცილებლად განიხილება ვინისიუს ჟუნიორისა და ედერ მილიტაოს მოქმედი ხელშეკრულებები. ბრაზილიელი ფეხბურთელი გაუმჯობესებულ საკონტრაქტო პირობებს მიიღებენ, რაც პირველ რიგში ხელფასებზე აისახება.
ასევე იგეგმება კარიმ ბენზემასთან თანამშრომლობის განახლებაც, ახალი პოზიციის მიხედვით, „9“-იანი მადრიდში, არა 2023 წლის 30 ივნისამდე, არამედ 2024 წლის 30 ივნისამდე უნდა დარჩეს.
და ბოლოს, მარკო ასენსიო ვილემსენი და მისი ხელშეკრულება. მადრდში ესპანელ მოთამაშეზეც ჩამოდიან ფსონს და მას 6 წლიან განახლებას შესთავაზებენ.
- 26 ნოემბერი 2021
- 1165
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
