ტირასპოლში ჩატარებული დაპირისპირება ბელგიელი გოლკიპერისათვის მე-500 გამოდგა საკლუბო კარიერაში.

ტიბო კურტუამ საიუბილეო მატჩი კარის მშრალად შენახვით აღნიშნა და კიდევ ერთხელ დაამტკიცა, რომ შესანიშნავ კონდიციებშია. სამწუხაროდ, 29 წლის ფეხბურთელის სტაბილური, საიმედო და წარმატებული ასპარეზობა „ფიფამ“ მხედველობაში არ მიიღო და ის წლის საუკეთესო მეკარის ნომინანტებს შორის არ დაასახელა.

ათლეტური აღნაგობის მოთამაშემ პირველი ოფიციალური თამაში 2009 წლის აპრილში, „გენკის“ რიგებში ჩაატარა. მას საერთო ჯამში 45 შეხვედრა დაუგროვდა მშობლიურ კლუბში, რის შემდეგაც „ჩელსის“ მიაშურა, თუმცა ლონდონელებმა მყისვე გაანათხოვრეს „ატლეტიკოში.“ როგორც „როხიბლანკოს,“ ასევე „არისტოკრატების“ მაისური კურტუამ 154-154-ჯერ მოირგო.

ტიბოს ბოლო გაჩერება მადრიდის „რეალია,“ სადაც 2018 წლიდან გამოდის. მის აქტივში უკვე ირიცხება 147 დაპირისპირება და 58 უგოლო ჯახი (ჯამში 206).

კურტუას სამეფო გუნდთან 2026 წლის 30 ივნისამდე აქვს დაკავშირებული მომავალი. ის მადრიდისტების საყვარელ ფეხბურთელად ჩამოყალიბდა.

MARCA������� dle 10.1������� ������� ������