მაურისიო პოჩეტინოს მანჩესტერ „იუნაიტედში“ გადასვლასა და „პსჟ“-ს მთავარ მწვრთნელად ზინედინ ზიდანის დანიშვნაზე უფროდაუფრო მეტი ინფორმაცია იწერება, თუმცა რამდენად რეალური იქნება ეს შეთანხმება არავინ იცის...

ფრანგული გამოცემების ცნობით, პარიზული მხარე უდიდეს ძალისხმევას გაიღებს ზიდანის სამშობლოში დასაბრუნებლად. არაოფიციალური ინფორმაციით, „პსჟ“ მზად არის, ზინედინს წლიურად 20 მილიონიანი ხელფასი განუსაზღვროს, რაც თავისთავად რეკორდული შემოსავალი იქნება.

გარდა ამისა, პარიზში კარგად ხვდებიან, რომ მბაპეს დასატოვებლად ზიზუს გუნდში მოყვანა ერთ-ერთი საუკეთესო ვარიანტია, მაგრამ ეს კიდევ არ არის ყველაფერი. ზიზუ საფრანგეთის ჩემპიონატში კარიმ ბენზემას გადაყვანას მოითხოვს და პარიზული მხარეც ყველაფერს გააკეთებს მადრიდელი ფორვარდის დასამატებლად.

თუ ზიდანი და ბენზემა „პსჟ“-ში ერთად მივლენ, ეს მართლაც გააჩენს იმის შანსს, რომ კილიანმა პოზიცია შეიცვალოს. სწორედ აღნიშნულიდან გამომდინარე, ალ ჰელაიფი და ლეონარდო სენსაციის მოხდენას შეეცდებიან.������� dle 10.1������� ������� ������